Turǵyn úı qurylysy boıynsha suranys deńgeıi edáýir joǵary
ASTANA. Shildeniń 14-i. QazAqparat /Rýslan Ǵabbasov/ - Bıylǵy jyly 6,2 mıllıon sharshy metr turǵyn úı tapsyrylady.
Bul týraly búgin Astanada Qurylys isteri jáne turǵyn úı-kommýnaldyq sharýashylyq agenttiginiń tóraǵasy Serik Nokın málim etti.
«Bıylǵy jyly memlekettik baǵdarlama, kommertsııalyq jeli turǵyn úılerin, sondaı-aq jeke turǵyn úılerdi qosqanda 6,2 mıllıon sharshy metrdi tapsyrý josparlanyp otyr. Al 2011 jyly 6,4 mıllıon sharshy metr paıdalanýǵa beriledi»,- dedi ol.
S. Nokınniń sózine qaraǵanda, 2013 jyldan bastap 7 mıllıon sharshy metrden astam turǵyn úı tapsyrý kózdelip otyr. «Bizdińshe, biz áli de suranysty qanaǵattandyratyn deńgeıge shyqqanymyz joq. Atap aıtqanda, suranys edáýir joǵary»,- dedi agenttik basshysy.
«Damyǵan elderde bir adamǵa bir sharshy metr turǵyn úı salynady. Elimizde qurylys qarqyny eń joǵary shekke jetkende (2006-2007 jyldary) biz 0,52 sharshy metrdi saldyq. Bul kórsetkish boıynsha eki ese qalys kelemiz. Qazirgi kezde 6,2 mıllıon sharshy metrdi salyp jatyrmyz, al bizde 16 mıllıon halqymyz bar. ıAǵnı, suranysty qanaǵattandyrý úshin bizde 2,5 ese kórsetkish jetispeı tur»,- dedi S. Nokın.
