«Turǵyn úı qurylys jınaq bankiniń» salymshylary 23,66 mlrd. teńge kóleminde ótemaqy aldy
ASTANA. QazAqparat - «Turǵyn úı qurylys jınaq banki» salymdar boıynsha 23,66 mlrd. teńge somasyna ótemaqy tóledi. Bul týraly kezekti Úkimet otyrysynda «Báıterek» UBH basqarma tóraǵasy Erbolat Dosaev aıtty.
E.Dosaev atap ótkendeı, Memleket basshysynyń «Turǵyn úı qurylys jınaq banki» salymshylaryna ótemaqy tóleý týraly tapsyrmasy boıynsha búginde respýblıkalyq bıýdjetten 20,9 mlrd. teńge bólindi, dep jazady Pm.kz.
«2016 jyldyń mamyr aıynda TQJB aǵymdaǵy esepshotyna 15,8 mlrd. teńge baǵyttaldy, búginde ótemaqy tólenýge jalpy depozıttik bazasynyń somasy 171 mlrd. teńge kólemindegi 467 myń 420 salym jatady», - dep naqtylady ol.
E.Dosaevtyń aıtýynsha, bank 2016 jyldyń 24 maýsymynan bastap ótemaqy aýdarýǵa kirisken.
«2016 jyldyń birinshi shildesindegi jaǵdaı boıynsha jalpy salymdar somasy 143,7 mlrd. teńgege 322 myń 860 qosymsha kelisimge qol qoıylǵan. Bul merzimdegi málimet boıynsha 23,66 mlrd. teńge somasyna 240,503 salym boıynsha ótemaqy tólengen», - dep aqparattandyrdy holdıng basshysy.
