«Turǵyn úı qurylys jınaq bankiniń» depozıttik bazasy 163 mlrd. teńgeden, al kelisimsharttar 883 mlrd. teńgeden asty
ASTANA. 18 shilde. QazAqparat - «Qazaqstan turǵyn úı qurylys jınaq banki» AQ-nyń depozıttik bazasy 163, 2 mlrd. teńgeni qurady, turǵyn úı jınaqtary týraly halyqtyń kelisimsharttary 883 mlrd. teńgeden asty, dep habarlady banktiń baspasóz qyzmeti.
«2013 jyldyń 1 shildesine jaǵdaı boıynsha bankte 883,3 mlrd. teńge somaǵa turǵyn úı jınaqtaý týraly 425 523 kelisimshart jasalǵan. Banktiń depozıttik bazasy 163,2 mlrd. teńgeni qurady. Halyqtyń salymdar úlesi boıynsha ekinshi deńgeıdegi bankter qatarynda bank barlyq EDB ishinde 8 oryndy ıelendi», - delingen taratylǵan málimette.
Rrimeminister.kz saıtynyń jazýynsha, halyqtyń teńgedegi uzaq merzimdi salymdar úlesi boıynsha bank ústimizdegi jyldyń birinshi toqsanynan bastap 1-orynda.
Óz kezeginde, nesıe qorjyny 125,4 mlrd. teńgeni qurady. Jumys jasaý merziminen bastap bank 173,6 mlrd. teńge somaǵa 52 338 qaryz bergen.
Búgingi tańda bank aktıvteri 323,4 mlrd. teńgeni qurady. 2013 jyldyń birinshi jartyjyldyǵynyń qorytyndysy boıynsha banktiń tabysy 2,7 mlrd. teńgege jetti.
