Turǵyn úı qurylys jınaq bankiniń 316 myń salymshysy ótemaqy aldy
ASTANA. QazAqparat - Qarjysyn bank depozıtterinde teńgemen saqtaǵan 316 myń salymshy ótemaqy aldy. Bul týraly búgin Úkimet otyrysynda QR Ulttyq ekonomıka mınıstri Qýandyq Bıshimbaev málim etti.
«Salymdardyń ulttyq valıýtada ótemdiligin saqtaý úshin Memleket basshysynyń tapsyrmasy boıynsha 467 myń salymshyǵa ótemaqy tóleýge sheshim qabyldandy. Onyń ishinde, aǵymdaǵy jyly 316 myń salymshy ótemaqysyn aldy», - dedi ol.
Mınıstrdiń derekterine qaraǵanda, atalǵan maqsatqa 2016 jyly respýblıkalyq bıýdjetten 18,7 mlrd. teńge jáne TQJB qarajatynan 9,9 mlrd. teńge bólingen.
«Jalpy, 2015-2016 jyldary «Nurly jol» memlekettik baǵdarlamasy ekonomıka ósiminiń jáne jumyspen qamtýdyń negizgi lokomotıviniń biri boldy. Baǵdarlamany iske asyrýdyń nátıjesinde biz 2015-2016 jyldary ekonomıkanyń retsessııasyna jol bermedik», - dep atap ótti Q.Bıshimbaev.
Onyń aıtýynsha, memlekettik baǵdarlamany iske asyrý tıimdiligi 2015 jyly ishki jalpy ónim ósiminde 1,3 paıyzdyq tarmaqty qurady. 22,5 myń turaqty jumys ornyn jáne 103,1 myń ýaqytsha jumys orny quryldy.
«Aǵymdaǵy jyly ishki jalpy ónimdegi memlekettik baǵdarlamanyń úlesi 1,2 paıyz tarmaq deńgeıinde dep baǵalandy. Bul 200 myń jumys ornymen qamtamasyz etti», - dedi mınıstr.
