Turǵyn úı qurylys jınaq bankinen depozıt ashý Qazposhta bólimsheleri arqyly qoljetimdi
Jýyrda «Qazaqstannyń turǵyn úı qurylys jınaq banki» jáne «Qazposhta» AQ arasynda turǵyn úı baǵdarlamaryna qatysty yntymaqtastyq memorandýmyna qol qoıyldy. Búgingi tańda «Báıterek» Holdınginiń enshiles uıymy - QTQJB-nyń áleýetti salymshylary Qazposhta bólimshelerinen bank ónimderi boıynsha keńester ala alady jáne ózderine jınaq shotyn asha alady. Osy oraıda, salymshylarǵa depozıt ashý nemese kredıt tóleý tegin ekendigin aıta ketken jón. Buǵan deıin bul atalǵan qyzmetter úshin salymshynyń engizetin somasynan 1% komıssııa aqysy ustalatyn. Turǵyn úı qurylys jınaq banki jáne ulttyq poshta operatory belgilengen komıssııa týraly ózara kelisimge keldi, endi onyń shyǵyndaryn bank ózine alatyn boldy.
Deı tura, salymshylar úshin negizgi bir shart bar: Qazposhta bólimsheleri arqyly depozıt ashý kezinde salymshy shotyna 15 000 teńge salýy qajet. Bul tómendetilmeıtin baǵa - poshtalyq bólimsheler arqyly shot ashýdyń mindetti talaby bolyp tabylady.
Esterińizge sala keteıik, Qazaqstannyń turǵyn úı qurylysy jınaq banki - aktsıonerlik qoǵam, ekinshi deńgeıdegi bank. Ol 2003 jyly qurylǵan. Banktiń jarǵylyq kapıtalyna memleket 100% qatysady. Banktiń negizgi maqsaty - ekinshi deńgeıdegi bankterden ıpotekaǵa nesıe alý kezinde bastapqy jarnalardy tóleý úshin jetkilikti qarajaty joq, biraq jetkilikti turaqty tabysy bar azamattardyń turǵyn úı jaǵdaıyn jaqsartý úshin qaryz alýyn qarjylandyrý maqsatymen jeke jınaq qarajatyn qorlandyrý negizinde turǵyn úı qurylysyn uzaq merzimge qarjylandyrý.
Búgingi tańda Turǵyn úı qurylys jınaq bankinde qazaqstandyqtar ashqan 940 829 depozıt bar. Al Turǵyn úı qurylys jınaq banki klıentteri salymdarynyń jalpy somasy 458 906 mlrd.teńgeni quraıdy. Qurylǵan ýaqyttan beri Turǵyn úı qurylys jınaq banki 143 370 qazaqstandyqtarǵa turǵyn úı sharttaryn jaqsartýǵa kómektesti. Ústimizdegi jyldyń basynan beri-aq. Turǵyn úı qurylys jınaq bankiniń 14 373 klıenti turǵyn úı sharttaryn jaqsartý maqsatynda zaemdar aldy.
Qazirgi tańda turǵyndarǵa Turǵyn úı qurylys jınaq bankiniń 17 fılıaly, 16 qyzmet kórsetý ortalyqtary men 150 keńes berý ortalyqtary qyzmet kórsetedi. Qalalyq jerlerde Turǵyn úı qurylys jınaq banki salymshylary keńesshilerdi úıge shaqyrtý arqyly depozıt ashýlaryna bolady. Al ashylǵan depozıt somasyn salymshy QR-kod arqyly tolyqtyrýy qoljetimdi.
Statıstıkalyq málimetterge súıenetin bolsaq, 200 000 salymshy «TQJB 24» Internet-bankıng júıesi qyzmetin paıdalanýda. Al Turǵyn úı qurylys jınaq bankiniń shtattan tys keńesshiler jelisiniń sany 1 129 adamǵa jetti. Olardyń keńesi arqyly Bankte 110 000 salym ashylǵan.
Aıta ketý kerek, Turǵyn úı qurylys jınaq banki «Nurly jer» baǵdarlamasy aıasynda salymshy jarnasy 30%-dy quraǵan jaǵdaıda, nesıeni jyldyq 5%-ben beredi. Jyl sońyna deıin «Nurly jer» baǵdarlamasy sheńberinde Turǵyn úı qurylys jınaq banki aıasynda 13 000 páter qoldanysqa beriledi dep kútilýde. Sondaı-aq, Turǵyn úı qurylys jınaq banki qyzmeti boıynsha barlyq aqparatty mobıldi baılanystyń barlyq operatorlary úshin biryńǵaı 300 nómirine qońyraý shalý arqyly alýǵa bolady.
Jańa qyzmet sapasyn arttyrý maqsatynda, qazirgi tańda bank klıentterine yńǵaıly baǵdarlamalardy tańdap, salym ashýǵa qujattardy rəsimdeý men usynylatyn bastapqy jarnany esepteý úshin Qazposhta bólimsheleriniń qyzmetkerleri oqytylyp jatyr.
