«Turǵyn úı qurylys jınaq bankine» jarylǵysh zat qoıylǵany rastalmady
ALMATY. QazAqparat - «Turǵyn úı qurylys jınaq banki» AQ-nyń úsh ǵımaratynda jarylǵysh zat qoıylǵany rastalǵan joq, dep habarlaıdy «QazAqparat» HAA.
Polıtsııa ókilderiniń habarlaýynsha, búgin «102» nómiriniń kezekshisine «Turǵyn úı qurylys jınaq bankiniń» ǵımaratyna jarylǵysh zat qoıylǵany týraly málimet kelip tústi.
Aqparat rastalǵan joq.
«Turǵyn úı qurylys jınaq banki» AQ-nyń úshinshi ǵımaratynan jarylǵysh zat tabylǵan joq. Atalǵan quqyqbuzýshylyq boıynsha qylmystyq is qozǵaldy. Biz arandatýshylardy izdestirýdemiz»,-dedi Almaty qalalyq ІІD baspasóz qyzmetiniń jetekshisi Saltanat Ázirbek.
Aıta keteıik, 2 maýsym kúni Almaty qalasynyń ІІD-ne Abylaı han men Qazybek bı kósheleriniń qıylysynda ornalasqan qalalyq sáýlet ǵımaraty men «Turǵyn úı qurylys jınaq banki» AQ-ynda jarylǵysh zat qoıyldy degen málimet túsken. Ǵımaratta júrgen qyzmetkerlerdiń barlyǵy evakýatsııalandy.
