«Turǵyn úı qurylys jınaq bankinde» jyljymaıtyn múlikti satyp alý mámilelerin jasaý úrdisi 3 kúnge deıin qysqardy

ALMATY. QaAqparat - «Turǵyn úı qurylys jınaq bankinde» jyljymaıtyn múlikti satyp alý mámilelerin jasaý úrdisi 20 jumys kúninen 3 kúnge deıin qysqardy. Bul týraly búgin Almatyda bank basshylyǵynyń rıeltorlyq kompanııa ókilderimen kezdesýinde «Qazaqstannyń turǵyn úı qurylys jınaq banki» AQ Basqarma tóraǵasy Aıbatyr Jumaǵulov málim etti.

Onyń aıtýynsha, budan bylaı jyljymaıtyn múlik satyp alý maqsatynda mámile jasaý úshin alynatyn komıssııa mólsheri de qysqarmaq.

«Bank aldaǵy 1 shildeden bastap depozıt ashý ýaqytyn aıtarlyqtaı qysqartýǵa múmkindik beretin jańa qyzmetti iske qosady. Biz jyljymaıtyn múlikti satyp alý-satý mámilelerin rásimdeý protsedýralaryn ońtaılandyrdyq. Banktiń Almaty jáne Astana qalalaryndaǵy bólimsheleriniń operatsııalyq zaldarynda Halyqqa qyzmet kórsetý ortalyqtaryn ashyp, notarıýstarǵa arnalǵan kabınetter ázirledik. ıAǵnı, zaem alýdy qosa alǵanda, bankten shyqpaı-aq jyljymaıtyn múlikti satyp alý-satý mámilelerin jasaı berýge bolady. Jáne biz munymen shektelmeımiz. Qazir barlyq banktik operatsııalardy elektrondy túrde júrgizýge múmkindik beretin jáne mámilelerdi qashyqtyqtan tirkeıtin júıeni qurý máseleleri talqylanýda», - dedi Aıbatyr Jumaǵulov.

Sonymen qatar tuńǵysh ret «Turǵyn úı qurylys jınaq banki» men rıeltorlyq kompanııalar arasynda yntymaqtastyq týraly memorandýmǵa qol qoıyldy. Búgingi kezdesýge Qazaqstan rıeltorlarynyń birlesken qaýymdastyǵynyń ókilderi jáne onyń prezıdenti Nına Lýkıanenko bastaǵan alpysqa jýyq jyljymaıtyn múlik agenttikteriniń basshylary qatysqan bolatyn. Banktiń yntymaqtastyq týraly usynysy jyljymaıtyn múlik naryǵy mamandarynyń qyzyǵýshylyǵyn týǵyzdy. Endi memorandým boıynsha rıeltorlar mámile taraptaryna nesıe berý talaptaryn túsindire otyryp, bank agentteri retinde áreket jasaıdy, al Bank barlyq mámilelerdiń meılinshe az ýaqytta rásimdeletindigine kepildik beredi.

Turǵyn úı qurylys jınaq bankiniń paıyzdyq mólsherlemeleri kem degende úsh jyl jınaqtaǵan jaǵdaıda, jylyna 3,5%-dan bastalatynyn esterińizge sala ketken jón. Munymen qosa, bank aldyn ala jınaqtaýsyz, jylyna 7,5% bastalatyn mólsherleme boıynsha zaemdar beredi.

Qazirgi ýaqytta «Turǵyn úı qurylys jınaq banki» tek qana memlekettik baǵdarlamalar boıynsha tek memlekettik qyzmetshilerge zaem berýmen shektelmeıdi. Barlyq talaptardy saqtaǵan jaǵdaıda, Qazaqstannyń barlyq azamattarynyń, tipti tabysy orta jáne odan tómen bolǵan jaǵdaıda da turǵyn úı qurylys jınaq qarajattaryna páter nemese úı satyp alýǵa múmkindikteri bar.