«Turǵyn úı qurylys jınaq bankin» jekeshelendirý jalǵasýda

ASTANA. QazAqparat - Búgin shet memleketterdegi Qazaqstan Respýblıkasynyń jáne QR-daǵy shet memleketterdiń qurmetti konsýldarynyń sezinde "Turǵyn úı qurylys jınaq banki" AQ-nyń jekeshelendirýge shyǵarylatyny jaıly taǵy aıtyldy, dep xabarlaıdy QazAqparat tilshisi.

"Báıterek" ulttyq basqarýshy xoldıngi" AQ basqarma múshesi ári basqarýshy dırektory Aınur Qýatovanyń aıtýynsha, el ekonomıkasyna shetel ınvestııatsııalaryn tartýdyń taǵy bir joly - jekeshelendirý. "Báıterek" te osy jumysqa atsylasýdy kózdeıdi. Sebebi jekeshedendirýge shyǵarylatyn birqatar kompanııalar xoldıngtiń quramyna kiredi.

"Búginde bizdiń enshiles uıymymyz - Turǵyn úı qurylys jınaq bankine strategııalyq áriptesti tartý jumysy bastaldy. Atalǵan bank Germanııanyń tájirıbesi negizinde turǵyn úı jınaq júıesin júrgizip keledi. Osy oraıda qurmetti konsýldarǵa bankimizdiń strategııalyq áriptesin izdestirýge atsasylýdy usynamyz. Ol arqyly aktsıonerlik kapıtaldy tartyp qana qoımaı, ıpotekalyq nesıe naryǵyn da damytýǵa bolady", - deıdi Qýatova. 

Aıta keteıik, buǵan deıin "Báıterek" ulttyq basqarýshy xoldıngi Turǵyn úı qurylys jınaq bankinen bólek taǵy úsh kompanııany jekeshelendirýge shyǵaratynyn jarııalaǵan bolatyn. Olar - «KazEksportGarant» AQ, Qazaqstannyń ınvestıtsııalyq qory dáne Texnologııalyq damý jónindegi ulttyq agenttik.