Turǵyn úı qurylys jınaq banki uzynsonar kezekten qutylý joldaryn qarastyrýda

ASTANA. QazAqparat - Turǵyn úı qurylys jınaq banki («Báıterek» holdınginiń enshiles uıymy) qyzmetkerleri men shtattan tys keńesshileri kiretin mobıldi toptar 7-20-25 baǵdarlamasyna qatysý sharttaryn azamattarǵa túsindirý úshin kásiporyndar men uıymdarǵa shyǵatyn bolady, dep habarlaıdy QazAqparat banktiń baspasóz qyzmetine silteme jasap. 

Alǵashqy 8 top Almaty qalasynda quryldy, aldaǵy ýaqytta bul bastamaǵa basqa da aımaqtar qosylady.

Atalǵan sheshim bank fılıaldaryndaǵy adam sanyn azaıtý úshin qabyldanyp otyr. Jańa turǵyn úı baǵdarlamasy iske qosylǵan soń bólimshelerdegi klıent sany birneshe ese artqan bolatyn. Astana men Almatyda ornalasqan eń iri bólimder kúnine 1500-1900 adamnan qabyldap jatyr.

Bank menedjeriniń qyzmetin alý úshin eń uzaq kezekte elorda turǵyndary turýǵa májbúr. Sebebi jalpy keńes berý men 7-20-25 baǵdarlamasy boıynsha ótinim qabyldaýdan bólek Turǵyn úı qurylys jınaq bankiniń astanalyq fılıaldarynda «Nurly jer» baǵdarlamasy aıasynda 300-den astam zaem resimdelip, berilip jatyr. Budan bólek «Óz úıim» baǵdarlamasy boıynsha da 162 páter satylýda.

Sondaı-aq bank qazir áskerı qyzmetshilermen de belsendi jumys júrgizip otyr. Astanada áskerılerdiń 3 500-daı arnaıy shotyna qyzmet kórsetiledi.

- Osyndaı jaǵdaıdyń oryn alyp, bank klıentteriniń ýaqytyn kezekte turýǵa jumsap jatqandaryna ókinishimizdi bildiremiz. Bastapqy kezeńde bólimshelerimizdi shtattan  tys keńesshilermen qosymsha kúsheıttik. Salymshylarymyz banktiń qazirgi jumysynyń bizge habarlasqan ár klıenttiń qajet aqparat alyp, máselesin barynsha jyldam jáne jaıly sheshýge baǵyttalyp jatqanyn bilýi kerek, - dep túsindirip ótti Turǵyn úı qurylys jınaq banki basqarma tóraıymynyń orynbasary Janar Jubanııazova.

Ol qazirgi ýaqytta banktiń bólimshege barmaı-aq keńes alýǵa arnalǵan túrli quraldar men ádisterdiń usynyp otyrǵanyn erekshe atap ótti.

Mysaly, klıentterde vıdeobaılanys ornatý arqyly qashyqtan keńes alý múmkindigi bar. Ol úshin hcsbk.kz  saıtyna nemese baspana.kz portalyna ótip, oń jaqta ornalasqan vıdeobaılanys belgisine basý kerek. Bul qyzmetti smartfon arqyly da, kádimgi kompıýter arqyly da alýǵa bolady.

Vıdeo keńes alý qyzmetiniń kómegimen klıent depozıt jáne nesıe, jańa kelisimshart bekitýge qatysty keńes alyp, shot boıynsha kóshirme resimdep, postdepozıttik operatsııalar júrgizip, anyqtamalar ala alady. Sondaı-aq Turǵyn úı qurylys jınaq banki menedjeri jańa qyzmettiń kómegimen keńes berýden bólek saıtpen, «JSSB 24» ınternet-bankıngimen jáne Baspana.kz jyljymaıtyn múlik portalymen jumys júrgizýge kómektesedi.

Qyzmetti jumys kúnderi 9.00 men 19.00 aralyǵynda paıdalanýǵa bolady. Al senbi kúnderi operator 9.00-den 13.00-ge deıin jumys isteıdi.

Turǵyn úı qurylys jınaq banki klıentteriniń 60%-daıy úıde nemese jumysta otyryp-aq keńes alyp, tipti depozıt ashyp jatady. Bul bank keńesshileriniń arqasynda múmkin bolyp otyr. Olardy ózińe yńǵaıly ýaqytta jáne orynǵa shaqyrý úshin kelesi silteme arqyly ótip, qalany tańdap, baılanysý kerek: https://hcsbk.kz/contacts/network-agents/.

Sonymen qatar keńes alý úshin banktiń koll-ortalyǵyna 300 nómiri boıynsha qońyraý shalýǵa, hcsbk.kz saıtynda «Keri baılanys» formasyn paıdalanýǵa nemese Facebook, Instagram jáne VKontakte áleýmettik jelilerindegi resmı paraqshalarǵa habarlasýǵa bolady.