Turǵyn úı qurylys jınaq banki uzyn-sonar kezek máselesin qalaı sheshkeli otyr

ASTANA. QazAqparat - «Qazaqstannyń turǵyn úı qurylys jınaq banki» AQ Basqarma tóraıymy Lázzat Ibragımova bank bólimshelerindegi uzyn-sonar kezek máselesin qalaı sheshilgeli jatqanyn aıtyp berdi, dep habarlaıdy QazAqpat tilshisi.

Ortalyq kommýnıkatsııalar qyzmetinde ótken baspasóz máslıhatynda Lázzat Ibragımovadan Astanadaǵy «Turǵyn úı qurylys jınaq banki» AQ ǵımaratyndaǵy halyqtyń uzyn-sonar kezegi, klıentterdiń bank menedjerimen tildesý úshin jarty kúnge deıin kútý máselesi boıynsha suraq qoıyldy.

«Biz ol máseleni sheshemiz. Halyqtyń Turǵyn úı qurylys jınaq bankine qatysty qyzyǵýshylyǵy artyp keledi. Qazirgi tańda bank qyzmetiniń eki ortalyǵyn qaıta ornalastyrýdy qarastyryp, Astanada jańa banktiń bólimshesin ashýdy josparlap otyrmyz. Klıentterdiń aǵymy óte úlken. Sonymen qatar, kezekti azaıtý úshin kóptegen operatsııalardy ınternet-bankıngte kóbeıtý jumysy qolǵa alynady. Ózderińiz biletindeı, onlaın-qyzmetti iske qosqan edik. Adamdar bankke kelmeı-aq óz úıinde uıaly telefonymen birqatar operatsııalardy júrgize alsa deımiz», - dedi Lázzat Ibragımova OKQ-da ótken baspasóz máslıhatynda.

Ol sonymen birge, banktiń fılıaldaryn yńǵaıly orynǵa ornalastyrý kózdelip otyrǵanyn atap ótti.

«Jańa normatıvterdi engize otyryp, jýyqta dırektorlar keńesi bizge óte kóp kómektesti. ıAǵnı, bizdiń bankte aýqymdy zaldar bolady. Sondyqtan, jyl sońyna deıin bizdiń banktiń jańa fılıaly ashylar degen oıdamyn», - dedi Lázzat Ibragımova.

Eske sala ketsek, buǵan deıin Lázzat Ibragımova Qazaqstanda 6 myń áskerı qyzmetshige jeńildetilgen zaım beriletinin málim etken edi.