Turǵyn úı qurylys jınaq banki salymshylary baǵam aıyrmasyn tóleý boıynsha ótinishti onlaın-rejımde bere alady
ASTANA. QazAqparat - Áleýmettik jelilerde TQJB salymshylardyń arasynda dúrbeleńniń týýyna sebep bolǵan aqparat paıda boldy. Taratqan habarlamada Turǵyn úı qurylys jınaq banki klıentterin elektrondy-tsıfrlyq qoltańbany tezdetip alý kerektigi, muny jasamaǵan jaǵdaıda ótemaqysyz qalý qaýpi bar ekeni jazyldy.
Turǵyn úı qurylys jınaq bankiniń baspasóz qyzmetinde baǵam aıyrmasy boıynsha azamattardyń salymdarynyń ornyn toltyrý mehanızmi qurylyp jatqanyn aıtty. Jaqyn arada ol jarııalanady. Tıisti tólemderdi alý úshin 2015 jyldyń 18 tamyzyna deıin Turǵyn úı qurylys jınaq bankinde depozıt ashqan azamattar ótinish jazyp, turǵyn úı qurylysy jınaǵy týraly Shartqa qosymsha kelisimge turýy tıis. Arnaıy shot ashý qajet emes. Baǵam aıyrmasy depozıttiń bankte bir saqtalýy talabymen tólenedi.
Turǵyn úı qurylys jınaq banki salymshylary baǵam aıyrmasyn tóleý boıynsha ótinishti onlaın-rejımde bere alady. Qyzmet azamattardyń qolaılylyǵy úshin qurylǵan, bul úshin elektrondyq-tsıfrlyq qoltańba qajet, dep habarlady TQJB.
Bankte áleýmettik jeliler nemese jasyryn túrde taratylatyn habarlar beıresmı ekenin aıtty. Salymshylardan alypqashpa sózderge senbeýdi surady. Ótinishterdi qabyldaý týraly barlyq aqparat resmı BAQ-tardan habarlanady. Turǵyn úı qurylys jınaq bankinde bul sharýa barlyǵy qujattardy daıyndap úlgeretindeı qylyp uıymdastyrylatynyn aıtty.
