Turǵyn úı qurylys jınaq banki «Óz úıim» baǵdarlamasy aıasynda salymshylar arasyndaǵy tuńǵysh pýlyn jarııalaıdy
Banktiń daǵdarysqa qarsy «Óz úıim» jeke baǵdarlamasy aıasynda satyp alýshylar pýly jarııalandy. Banktiń baspasóz qyzmeti habarlaǵandaı, «Jaǵalaý-4» turǵyn úı kesheni baǵdarlamanyń Astanada júzege asqan alǵashqy jobasy bolmaq.
Joba «Óz úıim» baǵdarlamasynyń úsh baǵytynyń biri - ekinshi deńgeıli banktermen jumys toraby boıynsha iske asty. Atalmysh jobaǵa Astana Banki áriptestik kórsetip otyr.
Turǵyn úı keshenindegi páterlerdiń jalpy kólemi shamamen 40 myń sharshy metrdi quraıdy. Birinshi kezektegi qurylystyń aıaqtalý merzimi 2016 jyldyń ekinshi jartysyna josparlanǵan. Birinshi kezek aıasynda Turǵyn úı qurylys jınaq banki salymshylaryna jalpy aýmaǵy 17 myń sharshy metrdi quraıtyn 284 páter paıdalanýǵa berilmek. Keshende 588 páter qarastyrylǵan, onyń 462-in Bank klıentteri alatyn bolady. Bir eskeretini, baǵasy ulttyq valıýtada bekitilgen jáne Bank salymshylary úshin 1 sharshy metrine 185 myń teńgeden aspaıdy.
Banktiń resmı saıty www.hscbk.kz arqyly atalǵan nysan boıynsha pýlǵa qatysýǵa ótinish bildirýge bolady. Bank tarapynan «Óz úıim» baǵdarlamasyna qatysýshylarǵa qatań talaptar qoıylmaıdy. Atap aıtqanda, meken-jaıǵa tirkelý (propıska) boıynsha qatań sharttar joq. Baǵdarlama barysynda menshiginde baspana joq salymshylarǵa basymdyq beriledi.
«Qazaqstan turǵyn úı qurylys jınaq banki» AQ osy jyldyń basynda salymshylaryn 2022 jylǵa deıin qoljetimdi baspanamen qamtamasyz etetin «Óz úıim» atty daǵdarysqa qarsy biregeı baǵdarlamasyn jasap shyǵardy. Baǵdarlama 3 baǵyttan turady: jergilikti atqarýshy organdardyń ózara árekettestigi, memlekettik-jeke seriktestik jáne ekinshi deńgeıli banktermen yntymaqtastyq.
Máselen, jergilikti atqarýshy organdarmen ózara árekettestik baǵyty boıynsha Qyzylorda oblysynda qarqyndy qurylys bastaldy. Bank, Qyzylorda oblysynyń ákimdigi men jergilikti qurylys kompanııalary arasyndaǵy úsh jaqty memorandýmǵa qol qoıylyp, onyń negizinde «Óz úıim» baǵdarlamasy aıasyndaǵy jan-jaqty yntamaqtastyq qarastyryldy. Sonyń arqasynda Qyzylorda oblysy baǵdarlamaǵa qosylǵan tuńǵysh óńir atalyp otyr.
Bul biregeı baǵdarlama Óńirlerdi damytýdyń 2020 jylǵa deıingi baǵdarlamasyna keremet qosymsha bolyp tabylady. Turǵyn úı qurylys jınaq bank salymshylary osy baǵdarlama arqyly baspanany qoljetimdi baǵamen satyp ala alady. «Óz úıim» baǵdarlamasynyń biregeıligi, salymshylar ashyq túrde daýys berý arqyly qurylys kompanııasyn jáne baspana jobasyn ózderi tańdaıdy. Baǵdarlamany Bank jeke qarajatynan qarjylandyrady.
2022 jylǵa deıin «Óz úıim» baǵdarlamasy aıasynda barlyǵy 1,5 mln. sh.m. baspana turǵyzý josparlanyp otyr.
