Turǵyn úı qurylys jınaq banki Qyzylordada turǵyn úıge ótinishterdi qabyldaýdy bastady

«Jańa turǵyn úıler  «Sáýlet» yqshamaýdanynda «Nurly jol» baǵdarlamasy aıasynda salynyp jatyr. Bul 7 nysan jalpy kólemi 20 myń sharshy metrdi quraıtyn 350 páterden turady. Qurylystyń aıaqtalý merzimi aǵymdaǵy jyldyń qazan aıy dep belgilendi. Páterler 1 sharshy metr úshin 143 myń teńge baǵamen, taza árlengen kúıinde ótkiziledi»,-dep atap ótilgen taratylǵan málimette.

Esterińizge sala keteıik, Turǵyn úı qurylys jınaq banki   «2015-2019 jyldarǵa  arnalǵan «Nurly jol» Infraqurylymdyq damytýdyń memlekettik baǵdarlamasy aıasynda  «Báıterek Development» AQ-nyń túrli qurylys jobalaryn irikteý ústinde. Qazirgi tańda, eldiń ár óńirinen 10 nesıelik turǵyn úı qurylys jobasy irikteldi. 

Atap aıtqanda,  Aqtaý qalasynda  1 sharshy metri 153 teńgeden turatyn, 540 páterli  34 167 sharshy metr turǵyn úı salynatyn bolady. Al, Atyraý qalasynda sharshy metri úshin baǵasy 152 myń teńge bolatyn 245 páter beriledi. Almaty qalasyna keletin bolsaq, Bank salymshylaryna «Áıgerim-2» yqshamaýdanynan  jalpy aýmaǵy 37 353 sh.m. quraıtyn nesıelik turǵyn úı salynbaqshy. Bul degenimiz - 636 páter, al  sharshy metri  úshin baǵasy  199 900 teńgeni quraıtyn bolady. Budan bólek, qurylys Qyzylorda, Semeı, Oral, Óskemen jáne Ekibastuz qalalarynda júrgizilmek. Turǵyn úı qurylys jınaq bankiniń  «Baıterek Development» AQ  basqa da jobalaryn bekitýine qaraı osy tizim únemi keńeıtilip, tolyqtyrylyp  otyrady.