«Turǵyn úı qurylys jınaq banki» qyzmetkerleri el aımaqtarynda turǵyn úı alý máselesine qatysty keńester beredi

ASTANA. QazAqparat - Turǵyn úı máselesi tolǵandyrǵan qazaqstandyqtar «Nur Otan» partııasynyń qoǵamdyq qabyldaýyna kelip, Qazaqstannyń Turǵyn úı qurylys jınaq banki mamandarynan keńes ala alady. Mamandar olarǵa memlekettiń áleýmettik páterlerine kimder ala alatyny, baspanany tómengi paıyzben nesıege qalaı satyp alýǵa bolatyny jáne arzan turǵyn úı satyp alý úshin jınaq aqshany qalaı saqtaý kerektigi týraly túsindiredi, dep habarlanǵan atalmysh banktiń saıtynda.

Sonymen qatar «Turǵyn úı qurylys jınaq banki» qyzmetkerleri «Nurly jol» jańa ekonomıkalyq saıasatyn qoldaı otyryp, halyqtyń basym bóligin áleýmettik turǵyn úımen qamtý úshin banktiń qosymsha qandaı is-sharalardy júzege asyryp jatqanyn baıandaıdy.

Qazir halyqty «Qoljetimdi baspana-2020» baǵdarlamasy (2015 jylǵy 1 qańtardan bastap atalǵan baǵdarlama Óńirlerdi damytýdyń 2020 jylǵa deıingi keshendi baǵdarlamasynyń bóligine aınaldy) sheńberinde salynǵan nysandardyń ýaqytynda berilý máselesi men paıdalanýǵa beriletin «áleýmettik» sharshy metrlerdiń sany tolǵandyryp otyr. QTQJB-nyń habarlaýynsha, 2015 jyly paıdalanýǵa beriledi dep josparlanǵan barlyq úılerdiń qurylysy tolyq aıaqtalyp, olarǵa jańa páter ıeleri qonystanbaq. Bıyl Bank baǵytymen turǵyn úı qurylys baǵdarlamasyn júzege asyrýǵa Ulttyq qordan 30 mıllıard teńge bólindi. Jergilikti atqarýshy organdarmen jasalǵan kelisimderge qaraǵanda, «Halyqtyń barlyq sanatyna arnalǵan turǵyn úı» jáne «Jas otbasylarǵa arnalǵan turǵyn úı» atty eki baǵyt boıynsha 590 myń sharshy metr turǵyn úı paıdalanýǵa berilmek. «Nur Otan» HDP-nyń qoǵamdyq qabyldaýynda Turǵyn úı qurylys jınaq bankiniń ókilderi azamattardy keste boıynsha aıyna bir ret qabyldaıdy. Qazaqstannyń barlyq oblystarynda, sondaı-aq Astana jáne Almaty qalalarynda da turaqty túrde keńes berýler ótkiziletin bolady. Respýblıka boıynsha «Nur Otan» HDP-nyń qoǵamdyq qabyldaýynda «Qazaqstannyń turǵyn úı qurylys jınaq banki» AQ ókilderiniń azamattardy qabyldaý ýaqyty: Astana qalasy - ár aıdyń ekinshi beısenbisi, saǵat 17.00-den 18.00-ge deıin Almaty qalasy - ár aıdyń birinshi sársenbisi, saǵat 10.00-den 12.00-ge deıin Aqmola oblysy - ár aıdyń úshinshi dúısenbisi, saǵat 11.00-den 13.00-ge deıin Aqtóbe oblysy - ár aıdyń úshinshi seısenbisi, saǵat 10.00-den 13.00-ge deıin Almaty oblysy - ár aıdyń birinshi dúısenbisi, saǵat 15.00-den 16.00-ge deıin Atyraý oblysy - ár aıdyń 15-i kúni, saǵat 15.00-den 12.00-ge deıin Shyǵys Qazaqstan oblysy (Óskemen) - ár aıdyń birinshi jáne úshinshi dúısenbisi, saǵat 16.00-den 18.00-ge deıin Shyǵys Qazaqstan oblysy (Semeı) - ár aıdyń ekinshi beısenbisi, saǵat 10.00-den 13.00-ge deıin Jambyl oblysy - ár aıdyń birinshi beısenbisi, saǵat 10.00-den 13.00-ge deıin Batys Qazaqstan oblysy (Oral) - apta saıyn sársenbide, saǵat 15.00-den 18.00-ge deıin Qaraǵandy oblysy - ár aıdyń birinshi beısenbisi, saǵat 10.00-den 13.00-ge deıin Qostanaı oblysy - ár aıdyń birinshi sársenbisi, saǵat 9.00-den 13.00-ge deıin Qyzylorda oblysy - árbir birinshi seısenbi, saǵat 14.00-den 18.00-ge deıin Mańǵystaý oblysy - ár aıdyń 20-y kúni, saǵat 16.00-den 18.00-ge deıin Pavlodar oblysy - árbir birinshi beısenbide, saǵat 9.30-dan 12.30-ǵa jáne 14.30-dan 17.30-ǵa deıin Soltústik Qazaqstan oblysy - árbir birinshi seısenbide, saǵat 16.00-den 18.00-ge deıin Ońtústik Qazaqstan oblysy - ár aıdyń ekinshi sársenbisi, saǵat 10.00-den 13.00-ge deıin