«Turǵyn úı qurylys jınaq banki» qujat jınaý úrdisin jeńildetti
ASTANA. QazAqparat - «Turǵyn úı qurylys jınaq bankiniń» salymshylary úshin súıinshi jańalyq. Budan bylaı nesıe alý úshin aptalap júrmeı, qujattardy eki kúnniń ishinde jınap beretin múmkindik týdy, dep habarlady www.24.kz.
Óıtkeni bank klıenttiń mekenjaı, jyljymaıtyn múlik týraly anyqtamalary men neke kýálikterin memlekettik derekter qorynan ózi-aq ala alady. Al qujattar daıyn bolǵanda,SMS habarlama arqyly nesıe alýshyǵa habar beredi. Bul - banktiń «Ulttyq aqparattyq tehnologııalar» aktsıonerlik qoǵamdyǵymen birlesip jasaǵan jumysy.
«Banktiń aqparattyq júıesi elektrondyq úkimetpen ıntegratsııasy arqyly qoljetimdi boldy. Bank klıenttiń derekterin ózi ala almaıdy. Tek qana klıent ruqsat bergen jaǵdaıda. Sol ruqsatty óte yńǵaıly elektrondyq, SMS boıynsha jáne Úkimet portalynda berýge bolady», - deıdi «Ulttyq aqparattyq tehnologııalar» AQ basqarma tóraǵasy Rýslan Eńsebaev.
Búginge deıin «Turǵyn úı qurylys jınaq banki» baspana alamyn degen 90 myń adamǵa nesıe beripti. «Al aǵymdaǵy jyldyń 7 aıynda ǵana qazaqstandyqtarǵa 90 mlrd. teńge kóleminde qarjy berdik», - deıdi basqarma tóraǵasy Aıbatyr Jumaǵulov.
