«Turǵyn úı qurylys jınaq banki» klıentterine ótemaqy berý úshin eki jylda 36 mlrd. teńge bóletin bolady
ASTANA. QazAqparat - Búgin Úkimet otyrysynda Elbasynyń Joldaýyn júzege asyrýdyń Jalpyulttyq is-sharalar josparyn tanystyrý kezinde QR Ulttyq ekonomıka mınıstri Erbolat Dosaev halyqtyń turǵyn úıge qoljetimdilik deńgeıin arttyrý baǵytyn túsindirdi.
«Halyqtyń turǵyn úıge qoljetimdilik deńgeıin arttyrý úshin 2016-2018 jyldary jalǵa beriletin alańy 817 myń sharshy metr nemese shamamen 13 600 páter turǵyn úı salý jáne ony satyp alý qamtamasyz etiledi. «Turǵyn úı qurylys jınaq banki» AQ klıentteriniń barlyq salymdaryna ótemaqy berý úshin Úkimet rezervinen 2016 jyly 20,9 mlrd. teńge jáne 2017 jyly 16 mlrd. teńge bólinetin bolady»,-dedi E. Dosaev.
Mınıstrdiń aıtýynşa, turǵyn-úı qurylysyndaǵy úleskerlik salymdardy kepildendirý qoryn qurý maqsatynda «Báıterek» UBH» AQ jarǵylyq kapıtalyn 10 mlrd. teńgege ulǵaıtý kózdelip otyr. Budan basqa, bıýdjettik kredıtteý jáne sýbsıdııalaý tetigi arqyly 298 km jylýmen, sýmen jabdyqtaý jáne sý burý jelileri salynyp jáne qaıta jańǵyrtylatyn bolady.
«2016-2017 jyldary shetel ınvestıtsııalaryn tarta otyryp, MJÁ tetikteri arqyly «ePlanCheck» JSQ tekserýdiń avtomattandyrylǵan júıesi jáne qurylys nysandaryn jobalaý kezindegi (BIM-tehnologııalar) aqparatty modeldeý tehnologııasy engiziledi»,-dep atap ótti vedomstvo basshysy.
