Turǵyn úı qurylys jınaq banki barlyq áleýmettik mindettemelerin saqtap qalady - A.Medeýova
ASTANA. QazAqparat - Memleket Turǵyn úı qurylys jınaq banki quryltaıshysy quramynda qalady, al bank salymshysyna jyl saıyn 20 paıyzdyq syıaqyny tóleýdi jalǵastyrady.
Atalmysh norma qarjy ınstıtýtynyń menshik formasynan tys jáne «QR-daǵy turǵyn úı qurylysy jınaqtary týraly» zańda bekitilgen. Sondyqtan azamattardyń alańdaýyna esh negiz joq», - dep túsindirdi búgin Turǵyn úı jınaq banki baspasóz qyzmetinde.
«Turǵyn úı qurylys jınaq bankide jańa áriptes paıda bolǵanynan bank tek qana utady. Bul jańa ınvestıtsııalar, qosymsha qarjy, neǵurlym jańa tehnologııalar men ІT-qyzmetter. Sonymen birge bank óziniń áleýmettik fýnktsııasyn jalǵastyrady, jyl saıyn memleketten sýbsıdııa alyp, óz salymshylaryna syıaqy tóleıdi», - dep túsindirdi «Qazaqstan turǵyn úı qurylys jınaq banki» AQ basqarmasy tóraǵasynyń orynbasary Aıjan Medeýova.
Onyń aıtýynsha, aktsıonerdi tartý boıynsha ázirge naqty sheshim qabyldanǵan joq. Keleshekte eń ońtaıly jospar pysyqtalady da, ony Úkimetpen kelisedi. Bul protsess shamamen eki aıdy alady. Sondaı-aq ınvestorǵa aktsııanyń qaı paıyzy usynylatyny talqylanyp jatyr.
Medeýova álemdik jáne eýropalyq tájirıbede TQJ júıesin iske asyratyn bankterdiń kópshiliginde jeke ınvestorlar bar ekenin atap ótti. Bul memlekettiń áleýmettik saıasatyn - azamattardy qoljetimdi baspanamen qamtamasyz etýdi sátti oryndaýǵa kedergi keltirmeıdi. Turǵyn úı qurylys jınaq banki óz jumysyn osy baǵytta jalǵastyratyn bolady.
Qazirgi sátte Turǵyn úı qurylys jınaq banki Eýropalyq qurylys jınaq kassalary federatsııasyna kiredi. Eýropalyq áriptesterdiń tájirıbesin qoldansa, bank 12 jyl aralyǵynda Qazaqstanda TQJ júıesin iske asyrady. Osynyń arqasynda elde eń tómen paıyzdyń stavkamen qaryz alyp, shamamen júz myń qazaqstandyqtar ózderiniń turǵyn úı jaǵdaılaryn jaqsarta alady. Qazir Turǵyn úı jınaq bankinde 550 myńnan astam shart bar, bank olardyń barlyǵymen óz mindettemelerin tolyq kólemde oryndaýdy jalǵastyratyn bolady.
