Turǵyn úı qurylys jınaq banki 467 myńnan asa salymshyǵa ótemaqy tóleıdi
Ótemaqy tólenetin salymdardyń jalpy somasy búgingi kúni 171,9 mlrd. tengeni qurap otyr, dep habarlaıdy «Qazaqstannyń turǵyn úı qurylys jınaq banki» AQ baspasóz qyzmeti.
Baǵamdyq aıyrmashylyq bıýdjet qarajaty esebinen jáne banktiń menshikti qarajatynan tólenedi.
QTQJB baspasóz qyzmetiniń habarlaýy boıynsha, salym somasyna eshqandaı shekteýler qoıylmaǵan. Turǵyn úı qurylys jınaq bankinde 2015 jyldyń 18 tamyzyna deıin ashylǵan depozıtterdegi salymdarǵa ǵana ótemaqy tólenedi. Al, mynandaı jaǵdaılarda TQJ salymyna ótemaqy tólenbeıdi:
1. Salym 2015 jylǵy 18 tamyzǵa deıin berilgen turǵyn úı, aldyn ala turǵyn úı jáne aralyq turǵyn úı zaemdary boıynsha qamtamasyz etýde turǵan bolsa;
2. Aqsha salý kúnine baspanany satyp alý-satý sharttary nemese Qazaqstan Respýblıkasy Prezıdentiniń 2007 jylǵy 20 tamyzdaǵy №383 Jarlyǵymen bekitilgen Qazaqstan Respýblıkasyndaǵy turǵyn úı qurylysynyń 2008-2010 jyldarǵa arnalǵan Memlekettik baǵdarlamasy aıasynda keıinnen satyp alýmen jalǵa alý sharty, Qazaqstan Respýblıkasy Úkimetiniń 2014 jylǵy 28 maýsymdaǵy №728 qaýlysymen bekitilgen Óńirlerdi damytýdyń 2020 jylǵa deıingi baǵdarlamasy, óńirlik turǵyn úı baǵdarlamalary aıasynda jasalǵan bolsa;
3. Banktiń ishki qujattarynda kózdelgen jaǵdaılardy qospaǵanda, belgilengen merzim aıasynda qosymsha kelisimge qol qoıylmaǵan jaǵdaıda.
Turǵyn úı qurylys jınaq sharttaryna jasalatyn qosymsha kelisimge qol qoıý (budan ári - kelisim) 2016 jyldyń 8-shi aqpanynan bastalyp, 1-shi maýsymyna deıin jalǵasady (sońǵy qabyldaý kúni - 2016 jyldyń 31-shi mamyry).
Ótemaqy alý úshin QTQJB-men jasalǵan kelisimge www.egov.kz (https://egov.kz/services/K10.09/#/declaration/0//) portalynda nemese Banktiń www.hcsbk.kz (https://compensation.hcsbk.kz/site/Login.aspx) resmı saıtynda elektrondy-sandy qoltańba arqyly qol qoıý kerek.
Eske sala keteıik, ulttyq valıýta baǵamy ózgeriske ushyraǵannan keıin Memleket basshysy Úkimetke QTQBJ salymshylarynyń jınaǵyn saqtaý boıynsha derbes mehanızm qarastyrýdy tabystaǵan bolatyn. Ótken jyldyń sońynda «Báıterek» basqarýshy Holdıngi QR Qarjy mınıstrligimen, Ulttyq ekonomıka mınıstrligimen, Investıtsııa jáne damý mınıstrligimen ári Ulttyq Bankpen birige otyryp, ótemaqy tóleýdiń ońtaıly tetigin ázirlegen edi.
Jalǵyz aktsıoner bekitken jyldyq qarjylyq eseptilik jáne qarjy bólý týraly Úkimet Qaýlysyn qabyldaǵan sátten bastap kúshine enetin barlyq qajetti qujattar Banktiń w w.hcsbk.k (https://www.hcsbk.kz/%D0%9E%D0%B1%D1%89%D0%B8%D0%B5%20%D1%83%D1%81%D0%BB%D0%BE%D0%B2%D0%B8%D1%8F.pdf) resmı saıtynda ornalastyrylǵan jáne olarmen tanysýǵa bolady.
