Turǵyn úı kommýnaldyq sharýashylyqqa jekemenshik ınvestıtsııa tartý úshin normatıvtik-quqyqtyq baza ázirlenýde
dep habarlady BUUDB/JEQ jobasynyń menedjeri Aleksandr Belyı Pm.kz saıtyna bergen suhbatynda.
«Turǵyn úı-kommýnaldyq sharýashylyqta energııa tıimdiligi men energııa únemdeýdiń paıdalanylmaı jatqan áleýeti bar. Sondyqtan da aýa raıyna baılanysty ǵımarattarda jylýdyń berilýin retteý qajet», -dedi A. Belyı.
Keshendi josparda sondaı-aq turǵyn úıdi jańǵyrtýǵa -termojańǵyrtýǵa, eseptegish quraldar, avtomattandyrylǵan jylý pýnktterin ornatýǵa jekemenshik ınvestıtsııalar tartý qarastyrylǵan. Qazir Qazaqstannyń jaǵdaıynda bul modeldi qamtamasyz etý úshin arnaıy normatıvtik-quqyqtyq baza ázirlenetin bolady.
«Indýstrııa jáne jańa tehnologııalar mınıstrligimen birlesip ınvestıtsııalardy damytý úshin zańnamalyq baza jasaıtyn bolamyz. Oǵan qosa, aǵymdaǵy jyldyń naýryz aıynda TKSh sektoryndaǵy ınvestıtsııalyq kompanııalardy daıyndaý úshin halyqaralyq mamandardyń qatysýymen trenınggter serııasy uıymdastyrylady», -dedi A.Belyı.
Sarapshy sondaı-aq energııa qýaty 20-25 paıyzǵa únemdeletin, tólemder 20-30 paıyzǵa qysqaratyn jáne parnık gazdarynyń shyǵarylýy da azaıatyn ilki jobalardy atap ótti.
«2009 jyly qoǵamdyq jáne turǵyn úı ǵımarattarynda alǵashqy ilki jobalardy iske asyra bastadyq. Astana qalasynda № 15 jáne №9 mektepterde 2 ilki joba júzege asyryldy. №9 mektepte jylý toraby jańǵyrtyldy, aý raıyna baılanysty avtomattandyrylǵan júıesi bar jylý pýnkti, eseptegish quraly ornatyldy, jylý taratý júıesi jańǵyrtyldy»,- dep atap kórsetti BUUDB/JEQ jobasynyń menedjeri.
Búgingi negizgi mindet turǵyn úı-kommýnaldyq sektordyń ınvestıtsııalyq tıimdiligin qamtamasyz etý, sondyqtan da qazir energııa tıimdiligin arttyrýdy qajet etetin ınvestıtsııalyq tetikterdi zerdeleý qajet.
Bekitilgen Keshendi jospardyń aıasynda 2015 jylǵa deıin energııa tıimdiligin 10 paıyzǵa , al 2025 jylǵa deıin 20 paıyzǵa arttyrý josparlanýda.
