Turǵyn úı - kommýnaldyq sharýashylyǵyna aldaǵy 5 jylda 800-900 mlrd. teńge salý qajet
ALMATY. 10 maýsym. QazAqparat /Erlik Erjanuly/ - Investorlar úshin turǵyn úı - kommýnaldyq sharýashylyq naryǵy óte úlken. Bul týraly búgin Almatyda ótip jatqan «Qazaqstandaǵy memlekettik-jeke seriktestik» dep atalatyn konferentsııada aıtyldy.
"Turǵyn úı - kommýnaldyq sharýashylyǵyna aldaǵy 5 jylda 800-900 mıllıard teńge salý kerek. Ondaǵy nysandardyń 80 paıyzynyń tozyǵy jetken. Bul ınvestorlar úshin óte úlken naryq. Onda qomaqty ınvestıtsııa kerek", - deıdi "Qazaqstandyq memlekettik-jeke seriktestik ortalyǵy" AQ Basqarma tóraǵasynyń orynbasary Ǵabıt Shaıkın. Onyń aıtýynsha, qazaqstandyq ınvestorlar men halyqaralyq damý ınstıtýttary arasynda básekelestik bar. Qazir olar memlekettik-jeke seriktestiktiń yntymaqtastyǵyn belsendirý úshin quzyrly mınıstrliktermen birlesip qoldanystaǵy zańǵa jańa ózgerister men tolyqtyrýlar jobasyn jasaýda.
