«Turǵyn úı - kommýnaldyq sharýashylyǵyn reforma kútip tur» - respýblıkalyq basylymdarǵa sholý

Keshe Astanadaǵy «Qazaqstan temir joly» UK» AQ ǵımaratynda Premer-Mınıstr Kárim Másimovtiń qatysýymen kompanııanyń ótken jylǵy atqarǵan jumystaryn talqylaýǵa arnalǵan keńeıtilgen jıyn bolyp ótti. Oǵan atalǵan kompanııanyń prezıdenti Asqar Mamın, Kólik jáne kommýnıkatsııalar mınıstri Ábilǵazy Qusaıynov jáne taǵy basqa sala mamandary qatysty. Osyǵan oraı «Egemen Qazaqstan» gazetinde «Temirjolshylar jyl qorytyndysyn jarııalady» degen taqyryppen maqala jaryq kórdi. «Memleket bas­shy­synyń ekonomıkalyq strategııasyn júzege asyrýǵa qoldaý kórsetken kompanııa qyzmetkerleri jyldy 15 mlrd. teńge kóle­minde taza paıdamen aıaqtap otyr. 2009 jylǵy kiris kólemi 500 mlrd.teńgeni quraǵan. Al bul san aldyńǵy jylmen salystyrǵanda 2 paıyzǵa joǵary. «QTJ» UK» AQ-ta daǵdarysqa qarsy baǵdar­la­maǵa oraı ákimshilik jáne basqa da shyǵyndardy yqshamdaý esebinen 28 mlrd. teńge únemdi­likke qol jetkizilgen» , dep jazady basylym.

Premer-Mınıstrdiń qatysýymen ótken alqaly jıynǵa oraı «Aıqyn» gazetinde de maqala basyldy. Basylymnyń jazýynsha Úkimet basshysy kompanııa aldyna shildeniń 1-ine deıin Atbasardaǵy elektrovoz shyǵaratyn zaýyt pen Ekibastuzdaǵy júk vagondaryn jasaıtyn zaýyttyń qurylysyn aıaqtaýdy tapsyrǵan.

Sonymen qatar bul jıynǵa qatysty maqalalardy «Kazahstanskaıa pravda», «Lıter», «Ekspress-K» basylymdarynan da egjeı-tegjeıli oqýǵa bolady.

«Egemen Qazaqstan» gazetiniń jazýynsha, keshe Parlament Senatynyń Tóraǵasy Qasym-Jomart Toqaevtyń tóraǵalyq etýimen Senat bıýrosynyń otyrysy bolyp, onda palatanyń qańtardyń 15-inde bolatyn kezekti jalpy otyrysynyń kún tártibin belgileý týraly komıtetterdiń usynystary qaralǵan.

«Úkimet turǵyn úı-kommýnaldyq sharýashylyq sektoryn damytý isin naqty qolǵa almaq. Premer-Mınıstr Kárim Másimovtiń tóraǵalyǵymen ótken keshegi Úkimet otyrysynda elimizdiń turǵyn úı-kommýnaldyq sharýashylyǵyn damytý jaıy qaraldy», dep jazady «Egemen Qazaqstan» gazeti. Basylymnyń jazýynsha, qazirgi tańda, turǵyn úı-kom­­mýnaldyq sharýashylyq el eko­no­mıkasynyń iri sektorlarynyń biri bolyp otyr. Osy salada 200 myńǵa tarta adam jumys isteıdi. Bul Qazaqstan óndirisinde eńbek etip jatqan halyqtyń jalpy sanynyń 18 paıyzyn quraıdy. Kommýnaldyq kásiporyndardyń kiris kólemi 500 mlrd. teńgeni quraıdy. Bul memlekettiń jalpy óniminiń 3 paıyzynan asyp túsetin qarajat. Aıtylǵan jaıttyń egjeı-tegjeıin basylymnyń búgingi sanynda jarııalanǵan

«Halyqty tolǵandyratyn másele» atty maqaladan oqı alasyzdar.

Úkimettiń alǵashqy otyrysy jaıyndaǵy maqala «Aıqyn» gazetinde «Turǵyn-úı kommýnaldyq sharýashylyǵyn reforma kútip tur» degen taqyryppen basylǵan. Basylymnyń jazýynsha, aldaǵy 5 jylda atalǵan salany damytýǵa jáne jańǵyrtýǵa 300 mıllıard teńge baǵyttalmaq.

Al osy jaıtty qaýzaǵan kelesi maqala «Alash aınasy» gazetinde «Jeti-aq mınýtqa sozylǵan jıyn» degen taqyryppen jarııalanǵan. «Elimizde barlyǵy 270 mıllıon sharshy metrdi quraıtyn turǵyn úı bolsa, onyń 50 mıllıon sharshymetrden astamy nemese 32 paıyzy kúrdeli jóndeý jumystaryn qajet etedi eken. Al taǵy 4 mıllıon sharshy metri apatty jaǵdaıda tur. ıAǵnı, elimizdegi jekemenshik úılerdiń 2 paıyzy kúıreýdiń az-aq aldynda tur degen sóz», dep jazady basylym.

Al «Kazahstanskaıa pravda» gazetiniń jazýynsha, 2009 jyly osy maqsatqa «Jol kartasy» sheńberinde 61 mıllıard teńge bıýdjet qarjysy bó­lingen. Sonyń arqasynda jylý, elektr gazben jab­dyqtaý, sý­men qamtý jelileri jóndeýden ótkizilip, ishinara jańadan salynǵan.

Erteń Venada Qazaqstannyń EQYU tóraǵalyǵyna kirisýine arnalǵan májilis ótedi. Osy aıtýly sharaǵa oraı «Egemen Qazaqstan» gazetinde «Qarsańda» atty maqala berildi. Onda Qazaqstan men Avstrııa arasyndaǵy saıası-ekonomıkalyq baılanystarǵa sholý jasalǵan, sondaı-aq QR Memlekettik hatshysy - Syrtqy ister mınıstri Qanat Saýdabaevtyń birqatar sheteldik basylymdarǵa suhbat bergendigi jazylǵan.

Osy aıtýly sharaǵa oraı «Kazahstanskaıa pravda», «Lıter», «Ekspress-K», «Aıqyn» jáne basqa da basylymdarda maqalalar jaryq kórdi. Máselen, «Kazahstanskaıa pravda» basylymynyń arnaýly tilshisiniń Venadan habarlaýynsha, Qazaqstannyń syrtqy saıasat vedomstvosynyń basshysynyń Avstrııa Respýblıkasyna kelgennen keıingi alǵashqy kezdesýi osy eldiń eýropalyq jáne halyqaralyq ister federaldyq mınıstri Mıhael Shpındeleggermen bolǵan. Kezdesý barysynda Q.Saýdabaev óz áriptesin EQYU-daǵy Qazaqstan tóraǵalyǵynyń negizgi basymdyqtaryn, «Eýropaǵa jol» memlekettik baǵdarlamasynyń júzege asyrylý barysyn tanystyrǵan.

***

Taıaýda birqatar sheteldik BAQ-tarda Qazaqstan Iranǵa 450 mıllıon dollarǵa 1,35 tonna ýran kontsentratyn satpaq degen mazmunda jalǵan aqparat taraǵan bolatyn. Osyǵan oraı «Aıqyn» gazetiniń búgingi sanynda «Qazaqstan Iranǵa ýran satpaıdy!» degen maqala jarııalandy. Maqalada elimizdiń Energetıka jáne mıneraldyq resýrstar vıtse-mınıstri Áset Maǵaýovtyń «jalpy, aqparat quraldarynda jarııalanǵan bul habar negizsiz, qaýeset bolyp tabylady. Birinshiden, respýblıkada ýran eksportyn baqylaý júıesi jolǵa qoıylǵan jáne zańsyz saýdaǵa eshqandaı múmkindik joq! Elimizden mundaı hımııalyq, radıaktıvtik zattardy syrtqa shyǵaratyn mekemeler tolyq baqylaýda», degen sózi keltirilgen.

«Aıqyn» gazetiniń dástúrli «Aq sóıle!» aıdarynyń búgingi qonaǵy - teatr synshysy Áshirbek Syǵaı. «Qazaqstanda ómir súrip jatqan etnostardyń bári de qazaqqa qaryzdar» degen taqyryppen berilgen ekeýara áńgimeniń tolyq nusqasyn basylymnyń sársenbilik nómirinen oqı alasyzdar.

«Darııa deńgeıi taǵy dúrbeleń týǵyzbaı ma?». Osy taqyryppen «Alash aınasy» basylymynda jaryq kórgen maqalada Syrdarııanyń tasyp, ózen boıyndaǵy halyqqa qaýip týdyrýy múmkin be degen saýaldy qaýzaǵan. Basylymnyń jazýynsha, búgingi tańda Qyzylorda oblysy aýmaǵyna darııa arqyly sekýndyna 370 tekshemetr sý kelip jatyr. Bul byltyrǵy jyldyń dál osy kezeńimen salystyrǵanda 140 tekshe metrge artyq eken. Osyǵan oraı basylym Aral-Syrdarııa alaptyq sý sharýashylyǵy basqarmasy bastyǵynyń orynbasary Jumahan Nurseıitovtiń pikirin bergen. «Aldaǵy aqpan aıynda Ońtústik Qazaqstan oblysynda salynyp jatqan «Kóksaraı» sý rettegishiniń alǵashqy kezeńi paıdalanýǵa beriletin kórinedi. Ol 1 mıllıard tekshe metrge jýyq kólemde sý qabyldaıtyn bolsa, qazirgi túıtkildi másele tolyqtaı sheshiledi deýge negiz bar», depti ol.

«Ekspress-K» gazetiniń jazýynsha, Bangkokta ustalǵan Il-76 ushaǵynyń ushqyshtary týystary arqyly QR Prezıdenti Nursultan Nazarbaevqa úndeý joldaǵan. Onda ushqyshtar Memleket basshysynan óz taǵdyrlaryna arasha túsýin ótingen.