Turǵyn úı-kommýnaldyq nysandaryn jóndeý jumystaryn jalǵastyrý qajet - N. Nazarbaev
ASTANA 28 qańtar. QazAqparat /Arman Asqarov/ - Aldaǵy ýaqytta elimizdegi turǵyn úı-kommýnaldyq nysandaryn jóndeý jumystaryn jalǵastyrý qajet.
Búgin QR Parlament palatalarynyń birlesken otyrysynda Qazaqstan halqyna jyl saıynǵy Joldaýynda Elbasy Nursultan Nazarbaev osyndaı tapsyrma berdi.
Elbasy habarlaǵandaı, sońǵy 10 jylda elimizdegi turǵyn úı qory 30 mln. sharshymetrge ulǵaıdy. «Bul 1 mln.-nan astam adamnyń jańa páterge kirgendigin bildiredi», - dep atap kórsetti N. Nazarbaev.
Osy oraıda elimizdegi turǵyn úı-kommýnaldyq sala nysandaryn jóndeý jumystarynyń qajettiligine toqtalǵan Elbasy: «Men Úkimetke ortaq múlikti jóndeý jáne qalpyna keltirý jumystaryn keńinen qarjylandyrý tetikterin ázirleýdi tapsyramyn. Osy arqyly biz elimizdegi turǵyn úı jaǵdaıyn jaqsartyp qana qoımaı, azamattardyń óz múlikterin saqtaý jaýapkershiligin arttyra alamyz», - dedi.
