Turǵyn úı kesheninde 2 metrlik bıiktikten jumysshynyń ústine temir beton qulap ketti
ANA. 13 maýsym. QazAqparat - Astanada jańadan salynyp jatqan eki turǵyn úı kesheninde jumysshylar jaraqattanyp qaldy. Bul týraly QR TJM-nan habarlady.
Jeksenbi kúni bolǵan tótenshe oqıǵalardyń biri tańerteń, Saraıshyq kóshesinde boı kóterip jatqan «Lazýrnyı» kvartal» TK-de oryn aldy. Anyqtalǵandaı, qurylys jumystaryn júrgizý barysynda 2 metrlik bıiktikten «Báıterek» JShS-nyń 28 jastaǵy jumysshysynyń ústine temir betonnan jasalǵan arqalyq qulap ketken. Qazir ol jaraqattarmen aýrýhanada jatyr.
Qurylys basyndaǵy ekinshi oqıǵa saǵat 21.43-te Qonaev kóshesindegi «Izýmrýdnyı kvartal» TK-de boldy. «Jumystar barysynda «Bazıs-A» kompanııasynyń 31 jastaǵy betonshysy úıdiń ekinshi qabatynan qulap, aýrýhanaǵa jetkizildi», - delingen TJM-nyń taratqan habarlamasynda.
