Turǵyn úı qatynastaryn retteýge baǵyttalǵan zań jobasy ekinshi oqylymǵa daıyn - Májilis
ASTANA. 31 mamyr. QazAqparat - Turǵyn úı qatynastaryn retteýge baǵyttalǵan zań jobasy ekinshi oqylymǵa daıyn. Májilistiń Ekonomıkalyq reforma jáne óńirlik damý komıteti osyndaı qorytyndy shyǵardy jáne zań jobasyn Palata depýtattarynyń talqysyna usynyp otyr.
«Qazaqstan Respýblıkasynyń keıbir zańnamalyq aktilerine turǵyn úı qatynastary máseleleri boıynsha ózgerister men tolyqtyrýlar engizý týraly» zań jobasy QR Parlamentiniń Májilisine 2010 jylǵy 11 maýsymda engizildi. Zań jobasy 2011 jylǵy 2 naýryzda birinshi oqylymda maquldandy.
Zań jobasynyń negizgi maqsaty - memlekettik turǵyn úı qoryn kommýnaldyq turǵyn úı qory, memlekettik kásiporyndardyń turǵyn úı qory jáne memlekettik mekemelerdiń turǵyn úı qory dep, olardyń arajigin ajyratý bóliginde turǵyn úı qatynastary týraly zańnamany jetildirý.
Sonymen qatar memlekettik turǵyn úı qorynan turǵyn úılerdi berýdiń sharttary men tártibin, sondaı-aq turǵyn úılerdi jekeshelendirý tetigin jáne azamattardy avarııalyq úılerden kóshirý tártibin naqtylaý maqsatyn kózdeıdi.
Zań jobasyn ekinshi oqylymǵa daıyndaý barysynda qandaı túzetýler engizilgeni jóninde erteń, 1 maýsym kúni, Palatanyń jalpy otyrysynda jumys tobynyń jetekshisi, Májilistiń Ekonomıkalyq reforma jáne óńirlik damý komıtetiniń múshesi Amanǵos Ótegenov baıandap beretini kútilýde.
