Turǵyn úı ǵımarattaryn termojańǵyrtý boıynsha kásibı mamandardy daıarlaıtyn kýrstar bastalady
«Turǵyn úı-kommýnaldyq sharýashylyqty damytýdyń qazaqstandyq ǵylymı-tehnıkalyq ortalyǵy» JShS 14 mamyrda QR Qurylys jáne turǵyn úı-kommýnaldyq sharýashylyq isteri agenttiginiń qoldaýymen «Kóp páterli turǵyn úılerde energııa únemdeý jáne olardy kútip ustaý menedjmenti (halyqaralyq praktıka jáne otandyq tájirıbe)» taqyrybynda turǵyn úı-kommýnaldyq sharýashylyq salasy qyzmetkerleriniń biliktiligin arttyrýdyń onkúndik mamandandyrylǵan kýrsyn ótkizedi.
Kýrs turǵyn úıdi tıimdi basqarý jáne Qazaqstandaǵy turǵyn úı ǵımarattaryn termojańǵyrtý jumystaryn uıymdastyrý salasynda kásibı mamandar daıarlaýǵa baǵyttalǵan.
Kondomınıým nysandaryn basqarý organdarynyń, energetıka jáne TKSh basqarmalarynyń, jergilikti atqarýshy organdardyń (qalalar, aýdandar men oblystar) turǵyn úı ınspektsııalarynyń, basqarýshy jáne servıstik kompanııalardyń, kommýnaldyq kásiporyndardyń, energııa-servıstik, jobalaý uıymdarynyń jáne TKSh sektorynda jumys isteıtin mamandardy oqytý eki saty boıynsha júrgiziledi. Birinshi aqparattyq-konsýltatsııalyq satyda Qazaqstan Respýblıkasynyń turǵyn úı-kommýnaldyq sharýashylyǵyn jańǵyrtýdyń 2011-2020 jyldarǵa arnalǵan baǵdarlamasyn túsindirý jáne ony iske asyrýdyń aralyq nátıjelerin taldaý júzege asyrylady. Sondaı-aq talqylaýlar kóp páterli turǵyn úılerge tehnıkalyq qyzmet kórsetý, olardy jóndeý jáne jańǵyrtý problemalaryn qamtıtyn bolady. Bul satyda dóńgelek ústelder men ekskýrsııalar ótkiziledi.
Oqytýdyń ekinshi bóligi praktıkalyq bolmaq. Kýrs tyńdaýshylary turǵyn úı-kommýnaldyq sharýashylyq sýbektileriniń ózara is-qımylymen baılanysty problemalardy taldap, olardy júıelendirýmen aınalysatyn bolady. Sonymen qatar, olar kóp páterli turǵyn úılerdi tıimdi basqarýdy qamtamasyz etý mehanızmderin ázirleýge qatysady.
Turǵyn úıdi basqarý, ǵımarattarǵa termojańǵyrtý (sanatsııalaý) uıymdastyrý jáne júrgizý, ınjenerlik qamtamasyz etý jáne energııa únemdeý, ǵımarattar salý men qaıta qurý jónindegi ozyq sáýlet sheshimderi salasyndaǵy halyqaralyq sarapshylar, ǵalymdar men tájirıbeli mamandar taqyryptyq dárister oqıdy.
