«Turǵyn úı baǵasy tómendeýde» - baspasózge sholý

ASTANA. QazAqparat - «QazAqparat» halyqaralyq aqparattyq agenttigi 29 maýsym, sársenbi kúni jaryq kórgen respýblıkalyq buqaralyq aqparat quraldaryndaǵy ózekti maqalalarǵa sholýdy usynady.

***

«ArselorMıttal Temirtaý» aktsıonerlik qoǵamy Jumys kúshin josparlaý baǵdarlamasyn iske qosty. Bul týraly soǵan oraı ótkizilgen baspasóz máslıhatynda «ArselorMıttal TMD» kompanııasynyń jańadan taǵaıyndalǵan dırektory Paramjıt Kalon málimdedi. Onyń aıtýynsha, kásiporynnyń qazirgi qurylymy durys uıymdastyrylmaǵan»,-dep jazady «Egemen Qazaqstan»gazeti búgingi sanyndaǵy «Jańa basshyǵa kásiporyn qurylymy nege unamaıdy?» atty maqalasynda.

«ArselorMıttal Temirtaý» kom­panııasynyń quramynda metal­lýr­gııa­lyq kombınat, Qaraǵandy oblysyndaǵy 8 kómir shahtasy, Qaraǵandy, Aqmola jáne Qos­tanaı oblystaryndaǵy temir kenin óndiretin 4 kenishi bar. Kási­p­oryndaǵy ju­mys­tardy shartty túrde úshke bólýge bolady.

Onyń birinshisi - ónim óndirisi, ekinshisi - qural-jabdyqtardy jóndeý men qamtamasyz etý, al úshinshisi - servıstik, ıaǵnı qarjylyq, mar­ketıngtik jáne basqa da qyz­metter. Álemdik tájirıbege súıen­sek, alǵashqy bólik boıynsha barlyq eńbekkerlerdiń 60 paıy­zy, ekinshisinde 30 paıyzy jáne sońǵysynda 10 paıyzy ju­mys isteýi tıis. Al Temirtaý metal­lýrgııa kombınatynda ju­myskerlerdiń shamamen óndiriste 45 paıyzy, jóndeý men qamtamasyz etýde 40 paıyzy da, qalǵandary servıstik qyzmette.

Bas basylymda «KazSat-3» jerseriginiń jańa qyzmeti» degen maqala jurtshylyq nazaryna usynylyp otyr. Tsıfrlyq jáne jerseriktik televızııasynyń Ulttyq operatory «Qazteleradıo» AQ el halqyna jańa sapaly teledıdar kórsetilimin usynady. Bul jaǵdaı jańa qazaqstandyq «KazSat-3» jerserigine kóshý nátıjesinde múmkin bolyp otyr. Sıgnal sapasyn anyqtaý boıynsha testileý jumystary 2016 jyldyń aqpan aıynda aıaqtaldy.

«Otau TV» jerseriktik telehabar taratý jelisi abonentterin otandyq «KazSat-3» jerserigine kóshirý jumystaryn 2016 jyldyń 15 naýryzynda bastady. Buǵan deıin jerseriktik «Otau TV» telehabar taralymy sheteldik jerserikten júzege asyrylyp kelgen edi. Endi ol jumysyn 2016 jyly aıaqtaıdy.

- Qazaqstandyq jerserikti tańdaı otyryp, biz otandyq eko­nomıkanyń damýyna sep bolamyz. «Qazaqstandyq ónimdi tańda!» nemese «Qazaqstanda jasalǵan» - jaı ǵana patrıottyq uran emes. Árbir qazaqstandyq óz bolashaǵyna, ós­keleń urpaqtyń keleshegine osylaısha úles qosady, - deıdi «Qazteleradıo» AQ ókilderi.

Qazaqstandyq «KazSat-3» jer­serigine kóshý kórermenderge qo­symsha SD arnalar kórýge múm­kindik beredi. Sondaı-aq, aqyly arnalar toptamasyna qosylǵan paıdalanýshylar HD arnalardy tamashalaı alady.  

***

«Aıqyn» gazetiniń jazýynsha, Qoǵamnyń ashyqtyǵyn qamtamasyz etetin birden-bir kúsh - jýrnalısterdiń mártebesin aıqyndaý kún tártibine kóterilýi kerek. Óıtkeni jalpylama quqyq pen mindet tilshilerdiń erkin jumys isteýine kedergisin keltirip keledi. Endi jańadan qurylǵan mınıstrlik atalǵan jaıtqa aıryqsha nazar aýdaryp, aınalysatyn bolady. Sonymen birge aımaqtyq buqaralyq aqparat quraldaryn damytý da búgingi kúnniń ózekti taqyrybyna aınalyp otyr. Bul týrasynda - Astanadaǵy «Qazmedıa ortalyǵynda» Aqparat jáne baılanys qyzmetkerleri kúni merekesine oraı, Aqparat jáne kommýnıkatsııalar mınıstri Dáýren Abaev aıtty.

- Táýelsizdik jyldarynda aqparat pen baılanys salasynda óte myqty kadr­lyq quramdy qalyptastyrdyq, - dedi mınıstr Abaev saladaǵy maman­dar­dyń basyn qosqan saltanatty shara­da. - Baılanys salasynda da aýqymdy sapaly jumys atqaryldy. Biz bul ba­ǵyt­taǵy jumysty jalǵastyramyz já­ne josparly túrde sandyq Qazaq­stan baǵytyna jyljımyz. Búginde shal­ǵaı eldi mekenderde ınnovatsııalyq áleý­mettik jobalardy júzege asyra oty­ryp, poshta baılanysy bólimshe­leri qala men aýyl arasyndaǵy basty baı­lanystyrýshy býynǵa aınaldy. Osy jetistikterdiń barlyǵy qazaq­stan­dyq baılanys qyzmetkerleriniń ká­sibı biliktiligi men yntasynsyz múm­kin bol­mas edi. Degenmen salada áli de she­shimin kútken máseleler jet­ki­lik­ti. Osy jaıynda «Mınıstrlik jýrnalıstiń mártebesin kóterýdi kózdeıdi» atty maqaladan oqı alasyzdar.

 

Bul basylymda «Turǵyn úı baǵasy tómendeýde» degen maqala berilgen. Almatyda Homsters.kz kompanııasynyń ekspertteri qazaqstandyq BAQ ókilderimen bas qosyp, turǵyn úı naryǵy jaıynda oı-pikirlerimen bólisti.

Jýrnalıster nazaryna eldegi qurylys naryǵynda boı kórsetip júrgen kompanııalardyń reıtıngisi usynylyp, tutynýshylardyń qaı qaladan sý jańa páter kiltin ıemdengisi keletindigi aıtyldy.

Aıta keteıik, bıyldan bastap elde jyljymaıtyn múlikti saýdalaý ulttyq valıýtamen júzege asa bastady. Sondyqtan bolar, jyl basynda turǵyn úı baǵamy bir qalypty deńgeıdi ustap tura almady. Máselen, aqpan aıynda 1 sharshy metrdiń baǵasy 420 myń teńgege kóterilse, naýryz aıynda ol 377 myń teńgeni kórsetti. Maýsym men tamyz aılarynda saýdanyń báseńdeýine baılanysty baǵa 362 myń teńgeniń mejesinde bolady. Bul árıne, dollar baǵamy men munaı sektoryndaǵy baǵamǵa da baılanysty qubylyp turady. Kompanııa sarapshylarynyń aıtýynsha, eldegi turǵyn úı quny 2017 jyldyń bastapqy aılaryna deıin arzandaıtyn bolady.
«Homsters» halyqaralyq kom­panııasynyń qazaqstandyq ókildigi basshysy Olesıa Melnıkovanyń sózine sensek, bir sharshy metr qunynyń tómendeýine yqpal etip otyrǵan úsh negizgi faktor bar. Birinshisi - halyq tabysynyń azaıýyna baılanysty turǵyn úı satyp alýǵa degen suranystyń kemýi. Ekinshisi - saýdaǵa shyǵarylǵan obektiler sanynyń artýy. Homsters.kz sarapshylarynyń esebi boıynsha, jyl basynan beri paıdalanylǵan turǵyn úı naryǵyndaǵy jyljymaıtyn múlik boıynsha usynystar sany 49%-ǵa artqan. Jańa úıler naryǵyndaǵy usynys kólemi de ósken: 2016 jyldyń qańtar jáne sáýir aılary aralyǵynda developerler 2015 jyldyń balama kezeńimen salystyr­ǵanda, 23% artyq turǵyn úıdi saýdaǵa shyǵa­rypty. Úshinshi faktor - jaz kezin­degi jyljymaıtyn múlik naryǵyndaǵy belsendiliktiń tómendeýi. Bul da paı­dalanylǵan turǵyn úı baǵasynyń arzandaýyna sebep bola alady.

***

«Qazaq ádebıeti» gazetiniń sońǵy sanynda «Súıinbaı eskertkishi Ankarada» degen maqala jarııalandy. «Ankara qalasynyń bir mıllıon bir júz myńnan astam turǵyny bar Keshıóren aýdany arhıtektýralyq ereksheligi jaǵynan bolsyn, úıleriniń ornalasý tártibi turǵysynan da tunyp turǵan Eýropa. Tabanyń tıgen bette qazaq oǵlanyn jatyrqata qoımaıtyn aǵaıyndyq baýyrmal sezimge qalaı, qandaı jaǵdaıda bólenetinińdi baıqamaı qalatynyń óz aldyna taýsylmaıtyn áńgime. Súıinbaı Aronulynyń atynda byltyr dál osy ýaqytta saıabaq ashylsa, bıylǵy ornatylǵan tuǵyry bıik músin Qazaqstan Respýblıkasynyń Túrik Respýblıkasyndaǵy Tótenshe jáne ókiletti elshisi Janseıit Túımebaevtyń tilimen aıtqanda «beıne aspannan ózinen-ózi salbyrap túsip, dál osy tóbege qasqaıyp tura qalǵandaı» áser etedi.  Aqan Ábdýálı bastaǵan Almaty oblysy fılarmonııasy ónerpazdarynyń oryndaýyndaǵy án men kúıge túriktiń sondaǵy eńbektegen balasynan eńkeıgen qartyna deıin eltigeni kóńildi odan beter jelpintip áketedi eken»,-dep jazady avtor. Osy jaıynda tolyq bilgińiz kelse, maqalany oqyp shyǵyńyz.