Turǵyn úı: 1 mln teńge kómekaqyny qansha astanalyq alady
ASTANA. QazAqparat - Turǵyn úı alý úshin densaýlyq saqtaý, bilim, polıtsııa jáne áleýmettik qamtamasyz etý salasynyń jumysshylary bir mıllıon teńgeden ala alady, dep habarlaıdy elorda ákimdiginiń resmı saıty.
Astana qalasynda kórsetilgen sala qyzmetkerleriniń sany - 37 102 astam, onyń ishinde turǵyn úıge muqtajdar sany - 16 850 adamdy quraıdy.
«Tabysy tómen otbasylardyń turǵyn úı alýy úshin jetkilikti qarajat jınaqtaýǵa múmkindikteri joq. Osyǵan baılanysty, qalanyń mýnıtsıpaldy qyzmetterinde óńirdiń turǵyn úı saıasaty iske asyrýdy kózdeıtin sharalar ázirlengen. Kórsetilgen is-sharalar sheńberinde joǵaryda kórsetilgen salalardyń qyzmetkerlerine 1 mıllıon teńge mólsherinde áleýmettik kómek (turǵyn úı alý úshin kómek) beriletin bolady», - deıdi Astana qalasynyń Qurylys jáne turǵyn úı saıasaty basqarmasynyń turǵyn úı saıasaty bóliminiń bas mamany Aıshagúl Sábıtbekqyzy.
Kórsetilgen 1 mıllıon teńge qajetti ıpotekalyq qaryz alý úshin bastapqy jarna somasynyń bóligin tóleýge jumsalady. Bul is-shara, joǵaryda kórsetilgen sala qyzmetkerleriniń turǵyn úıge muqtajdar sanyn azaıtý, sondaı-aq bilikti kadrlar korpýsyn saqtaýǵa múmkindik beredi.
