Turǵylyqty jeri boıynsha qalaı onlaın tirkelýge bolady
ASTANA. QazAqparat - QR ІІM memlekettik qyzmetterdi kórsetý, onyń ishinde turǵylyqty jeri jáne ýaqytsha bolatyn jeri boıynsha tirkelý sapasyn arttyrý boıynsha sharalar qabyldaýda, dep habarlaıdy mınıstrliktiń baspasóz qyzmeti.
Halyqqa «elektrondyq úkimet» portaly arqyly tirkelý de qoljetimdi. Ótinim úıden nemese keńseden shyqpaı-aq on-laın rejımde joldanady, onyń esebinen HKO-ǵa barýǵa ketetin ýaqyt únemdeledi.
Turǵyn úı ıesine ótinimdi joldaý úshin Portalǵa jeke kabınetke kirý qajet, turǵylyqty jeri boıynsha tirkeý qyzmetin jáne tirkelgen mekenjaıyn (eldi meken, kóshe, úı jáne páterdiń nómiri) tańdaıdy. Budan keıin jeke kabınetke tirkeýdiń aıaqtalǵany týraly habarlama túsedi.
Eger, ótinish ıesi turǵyn úıdiń ıesi bolyp tabylmasa, oǵan turǵyn úı ıesiniń jeke kabınetine turǵylyqty jeri boıynsha tirkelýge kelisim alý úshin ótinim joldanady.
Osy jyldyń 9 aıyna jańa formatta, artyq qujattardy talap etýsiz «elektrondyq úkimet» portaly arqyly 47,5 myń azamat tirkelgen, onyń 29,7 myńy - turǵylyqty jerine, 17,7 myńy - ýaqytsha bolatyn jeri boıynsha tirkelgender.
Sondaı-aq osy kezde mınıstrlik tarapynan: portal arqyly balalardy tirkeý (balanyń týýyn tirkegen kezde birýaqytta ol ata-anasynyń tirkelgen mekenjaıy boıynsha tirkeledi), uıaly telefonǵa habarlama joldaı otyryp ýaqytsha tirkeý merzimin uzartý, portal arqyly tirkeýdi jeńildetý úshin elektrondyq-tsıfrlik qoltańbanyń balamasy retinde (SMS-habarlama) birretik paroldi qoldaný sııaty máseleler pysyqtalýda.
