Turǵylyqty mekenjaıy joqtar arasynda 2 adam koronavırýs juqtyrǵan – Saǵyntaev
ALMATY. QazAqparat – Almatyda ótken onlaın brıfıng barysynda qala ákimi Baqytjan Saǵyntaev turǵylyqty mekenjaıy joq adamdardyń arasynan da 2 adamda koronavırýs anyqtalǵanyn aıtty, dep habarlaıdy QazAqparat tilshisi.
Qala ákiminiń aıtýynsha, olarǵa arnaıy qalashyq jasalyp, ómir súrýge qolaıly orta jasalǵan.
Keıbir BAQ betterinde qalashyqta koronavırýstan qaıtys bolǵandar bar ekendigi aıtylǵan bolatyn.
«Naýryzdyń aıaǵynda osyndaı azamattardy jınap, olarǵa arnaıy shatyrly qalashyq ashylǵan bolatyn. Ystyq tamaq, jýynatyn bólme, barlyǵy qamtyldy. Biraq, bul adamdar bir orynda turmaıdy eken. Olardy ustap otyrýda qıyndyqtar boldy. Bir adam qaıtys bolǵan. Biraq, ol koronavırýstan emes, araqty kóp ishkennen qaıtys boldy. Dárigerler olardan taldaý alǵanda eki adamda koronavırýs bar ekendigi anyqtaldy. Olar emdelip shyqty. Karantın rejımi aıaqtalǵanda, qalashyq taratyldy», - dedi qala ákimi.
