Turǵyndardyń 167 mln teńgesin qoldy etken qarjy pıramıdasynyń ókili Armenııadan ekstradıtsııalandy

ASTANA. KAZINFORM - Búgin Bas prokýratýra jáne Іshki ister mınıstrliginiń Interpol qyzmetkerleri Qazaqstan Respýblıkasynyń Armenııadaǵy Elshiliginiń kómegimen qarjy pıramıdasyn basqarǵan Qazaqstan azamatyn qylmystyq jaýapqa tartý úshin elge ekstradıtsııalady.

QR Bas prokýratýrasy baspasóz qyzmetiniń habarlaýynsha, 2019 -2021 jyldar aralyǵynda kúdikti Qostanaı oblysyndaǵy «Finiko» qarjy pıramıdasynyń qurylymdyq bólimshesin basqarǵan, nátıjesinde qyryqqa jýyq adamnyń 167 mln teńgeden astam qarjysyn qoldy etken. 

Qylmystyq topqa qatysýshylardyń bir bóligi buryn túrli qylmystar jasaǵany úshin sottalǵan, al qylmys jasalǵannan keıin kúdikti Armenııada jasyrynyp júrgen jáne ol sol elde ustaldy.

Qazirgi ýaqytta kúdikti Aqtaý qalasynyń tergeý ızolıatoryna qamaýǵa alyndy.

«Aıyp taǵylǵan qylmysty jasaǵany úshin 7 jylǵa deıingi merzimge belgili bir qyzmetpen aınalysý quqyǵynan aıyra otyryp, múlki tárkilenip, 5 jyldan 12 jylǵa deıingi merzimge bas bostandyǵynan aıyrý túrindegi jaza kózdelgen»,-delingen Bas prokýratýranyń baspasóz qyzmeti tartqan aqparatta.