Turǵyndar jasyl jelektiń azdyǵyn aıtyp, jıi shaǵymdanady – Úkimet basshysy
ASTANA. KAZINFORM – Úkimet basshysy Oljas Bektenov el aýmaǵyndaǵy abattandyrý jáne kógaldandyrý jumysyna kóńili tolmaıtynyn aıtty.
«Abattandyrý men kógaldandyrý jumystary qala turǵyndardyń ómir súrý jaǵdaıyn jaqsartýmen qatar, týrıstik salany damytýǵa da erekshe serpin beredi. Degenmen, bizdiń azamattarymyz áli de bolsa trotýarlar men jaryqtyń joqtyǵyn, jasyl jelektiń azdyǵyn aıtyp, jıi shaǵymdanady. ıAǵnı, túrli qolaısyzdyqtarǵa kún saıyn kezigedi. Yńǵaıly avtobýs aıaldamalary, otbasylyq demalysqa arnalǵan jaıly oryndar da joqtyń qasy», - dedi Oljas Bektenov Úkimet otyrysynda.
Premer-Mınıstrdiń aıtýynsha, ákimdikter tarapynan júıeli jumystyń bolmaýynan abattandyrý jáne kógaldandyrý jumysy aqsap tur.
«Aǵashtar, ósimdikter otyrǵyzylady, biraq keıin eshqandaı kútim jasalmaıdy. Kópshilik jınalatyn qoǵamdyq oryndar men úı mańyndaǵy aýmaqtar usqynsyz kúıge aınalǵan», - deıdi ol.
