Turǵyndar shaǵymy: Almatyda jylý men ystyq sý baǵasy nelikten ósti

ALMATY. KAZINFORM — Almatylyqtar áleýmettik jelide aqpan aıynda jylý men ystyq sýǵa kelgen tólem túbirtekteriniń baǵasy kóterilgenin aıtyp shaǵymdandy.

Tólemaqynyń ósýine baılanysty «Almaty jylý júıesi» JShS-y jaýap berdi. Kompanııanyń málimetinshe, 2024 jyly «Investıtsııalarmen almasý tarıfi» baǵdarlamasyn iske asyrý barysynda Almatyda jylýmen jabdyqtaý qyzmetiniń tarıfi ózgergen bolatyn. Alaıda ózgerister tek 2025 jyldyń 1 qańtarynan bastap iske qosylǵan.

— Aqpan aıyndaǵy túbirtekterde eseptelgen somalar eki kezeńdi: jeltoqsannyń bir bóligi jáne qańtardyń bir bóligin qamtıdy. Monopolııaǵa qarsy vedomstvonyń 2025 jyldyń 1 qańtarynan bastap tarıfti ózgertýine baılanysty tólem eki kezeńge bólingen. ıAǵnı, 31 jeltoqsanǵa deıin burynǵy tarıf boıynsha eseptelip, 1 qańtardan bastap ózgertilgen tarıf boıynsha eseptelgen, — dep habarlady kompanııadan.

Sonymen qatar, 2024 jyly jylý energııasynyń esepteý quraly bar jeke tulǵalar toptary boıynsha saralanǵan tarıfter engizildi. Birinshi topqa esepteý quraly bar, jylytylatyn aýmaǵy 100 m²-ge deıingi jeke tulǵalar, ekinshi topqa jylytylatyn aýmaǵy 100 m²-den 200 m²-ge deıingi jeke tulǵalar, úshinshi topqa aýmaǵy 200 m²-den asatyn jeke tulǵalar kiredi. Tarıfterdi monopolııaǵa qarsy vedomstvo bekitti.

Al jalpy turǵyn úıge esepteý quraly ornatylǵan úılerde jylý jáne ystyq sý qyzmeti úshin turaqty tólem joq. Tólem syrtqy aýanyń temperatýrasy men turǵyn úıdegi jylý tasymaldaǵyshtyń naqty tutynylýyna baılanysty, ony jalpyúılik jylý energııasy esepteý quraly tirkeıdi.

Eske salaıyq, buǵan deıin Qazaqstan qalalarynda jylý baǵasy qansha turatynyn jazǵanbyz.