Turǵyndar nazaryna: Almatyda terrorızmge qarsy oqý-jattyǵý ótedi
ALMATY. KAZINFORM — 12 qarasha saǵat 08:00–den 15:00–ge deıin Jetisý aýdanynda, Borandaı kóshesiniń boıyndaǵy temirjol ýchaskesinde terrorızmge qarsy josparly oqý-jattyǵý ótedi.
Qalalyq polıtsııa departamentiniń málimetinshe, is-shara barysynda jolaýshylar jáne júk poıyzdarynyń qozǵalysyn shekteý kózdelmegen.
— Oqý-jattyǵýdyń maqsaty — kólik ınfraqurylymy nysandarynda terrorızm aktisiniń jolyn kesý tetikterin jetildirý. Turǵyndardan qaýipsizdik sharalaryn saqtaýdy jáne is-sharaǵa tartylǵan memlekettik organdar qyzmetkerleriniń zańdy talaptaryn oryndaýdy suraımyz. Sondaı-aq resmı aqparat kózderine ǵana súıenip, jalǵan aqparat taratýdan aýlaq bolýǵa shaqyramyz, — dep habarlady polıtsııadan.
Sonymen qatar QR ÁQBtK 443-babyna sáıkes, qoǵamdyq tártipti qamtamasyz etýge qatysatyn adamnyń zańdy talabyna baǵynbaý ákimshilik jaýapkershilikke ákep soǵatyny eskertildi.
Eske salaıyq, buǵan deıin Almaty áýejaıynda jumysshy qaza bolýyna baılanysty is qozǵaldy.