Turǵyndar men kommýnaldyq sektorǵa qajetti 7,4 mln tonna kómirdiń 65 paıyzy jetkizildi

ASTANA. KAZINFORM – Bul týraly 1 qazanda Energetıka mınıstrliginiń memlekettik energetıkalyq qadaǵalaý jáne baqylaý komıtetiniń tóraǵasy Erjan Ertaevtyń tóraǵalyǵymen turǵyndar men kommýnaldyq sektordy kómirmen qamtamasyz etý máseleleri jónindegi respýblıkalyq shtabtyń otyrysynda málim boldy.

Kezdesýge Ónerkásip jáne qurylys mınıstrligi, oblystar men respýblıkalyq mańyzy bar qalalardyń ákimdikteri, «Qazaqstan Temir Joly» Ulttyq kompanııasy, sondaı-aq iri kómir óndirýshi kásiporyndardyń ókilderi qatysty.

Otyrysta óńirlerdiń kómir daıyndyǵy boıynsha josparlardyń oryndalýy, júk vagonymen qamtamasyz etý, óńirlik operatorlardyń jumysy týraly esepter tyńdaldy.

Tolyǵyraq alǵanda, bıyl turǵyndar men kommýnaldyq sektorǵa qajetti kómir kólemi 7,4 mln tonna dep belgilense, búginge deıin 4,5 mln tonna nemese jospardyń 62 %-y oryndalǵan.

Sonymen birge, keıbir óńirlerde aı saıynǵy ári jyldyq josparǵa sáıkes kómirdiń qoljetimdiligi men jetkizilýin baqylaýdy kúsheıtý qajettigi atap ótildi.

Otyrystyń qorytyndysy boıynsha, óńirlik atqarýshy organdar men kómir óndirýshi kásiporyndarǵa óńirlerde kómirge jasandy ajıotaj jasaýǵa jol bermeý jóninde naqty tapsyrmalar berildi.

Osyǵan deıin Jambyl oblysynda kóterme saýdadaǵy kómir baǵasy eki ese arzan ekeni týraly jazdyq.