Turǵyn úılerdiń kireberisterinde qaýipti QR-kodtary bar habarlandyrýlar ilingen – feık

ASTANA. KAZINFORM – Qazaqstandyqtardy WhatsApp-ta alaıaqtyqtyń jańa túri týraly eskertýde, dep habarlaıdy stopfake.kz.

Habarlamada kireberisterde QR kody arqyly turǵyn úıdiń ortaq chatyna kirý týraly usynyspen habarlandyrýlar ilingeni aıtylǵan. Al kodty skanerlegen kezde paıdalanýshylardyń kartalarynan aqsha alynady eken.

Bul habarlama qazaqstandyq áleýmettik jelilerde de tarady. Bul týraly Ekibastuz qalasynda tirkelgen @ekibastuz_live akkaýnty jazǵan.

Ekibastuz qalasynyń polıtsııa basqarmasy kireberisterdegi habarlandyrýlar týraly posttyń astynda óz pikirin qaldyrǵan.

Qazaqstandyq polıtseıler siltemesin qaldyrǵan BAQ-ta alaıaqtyq shema týraly egjeı-tegjeıli jazylǵan. «Novostı Sevastopolıa» portalynyń jýrnalısteri sarapshylarmen sóılesip, QR-kodpen zııandy siltemelerdi jasyrýǵa bolatynyn anyqtady. Eger siz olarǵa ótseńiz, onda paıdalanýshy tirkelgisi buzylady.

«Kasperskıı zerthanasynyń» bas sarapshysy Sergeı Golovanov bul shemanyń qalaı jumys isteıtinin túsindirdi. Kodty skanerlegennen keıin messendjerde jańa qurylǵyny qosý týraly suraý shyǵady. Eger eki faktorly aýtentıfıkatsııa qosylsa, paıdalanýshydan qosymsha kodty engizý suralady. Nátıjesinde kıberqylmyskerler qupııa chattardan basqa barlyq baılanystar men hat-habarlarǵa qol jetkize alady.

Alaıaqtyq shema týraly aqparat Qazaqstanda jalǵan bolyp shyqqanymen, mamandar QR-kodtardy skanerleý kezinde abaı bolýǵa jáne qaýipsizdik saqtaý úshin siltemelerdi únemi tekserip otyrýǵa keńes beredi.

Osyǵan deıin qaraǵandylyqtardyń et sapasyn QR-kod arqyly teksere alatyny týraly jazdyq.