Turǵyn úılerdegi órttiń 40 paıyzy elektr jabdyqtarynan shyǵady
ASTANA. KAZINFORM — Elimizde turǵyn úılerdegi órttiń shamamen 40 paıyzy elektr jabdyqtaryn ornatý jáne paıdalaný erejelerin buzýdan shyǵady. Bul týraly Tótenshe jaǵdaılar mınıstrligi Órtke qarsy qyzmet komıteti tóraǵasynyń orynbasary Rýslan Qaıraqbaev brıfıngte málim etti.
Onyń aıtýynsha, órttiń shyǵýyna jylytý peshterin durys paıdalanbaý jáne otpen abaısyz áreket etý de sebep bolady.
— Turǵyn úılerdegi órttiń 20–25 paıyzy jylytý peshterin paıdalaný kezinde qaýipsizdik erejelerin saqtamaýdan, al 18–20 paıyzy otpen abaısyz áreket etýden shyǵady, — dedi Rýslan Qaıraqbaev.
Ol temekini abaısyz shegý, peshke qoıylǵan tamaqty qaraýsyz qaldyrý jáne balalardyń otpen oınaýy da órtke sebep bolatynyn atap ótti.
TJM ókiliniń aıtýynsha, órt qaýipsizdigi erejelerin buzǵandar ákimshilik jaýapkershilikke tartylýy múmkin.
Eske sala keteıik, buǵan deıin Tótenshe jaǵdaılar mınıstrligi jylytý maýsymy qarsańynda turǵyndarǵa elektr symdary men jylytý peshteriniń jaramdylyǵyn tekserip, órt qaýipsizdigi talaptaryn saqtaýdy eskertken edi.
