Turǵyn úıdiń tehnıkalyq pasportyn kadastrlyqqa aýystyrý mindetti me

ASTANA. KAZINFORM — Jelide turǵyn úı ıeleri tehnıkalyq pasportty kadastrlyq pasportqa mindetti túrde aýystyrý qajet degen aqparat tarap jatyr. Osy oraıda «Azamattarǵa arnalǵan úkimet» MK baspasóz qyzmeti túsinik berdi.

— Turǵyn úı ıeleri tehnıkalyq pasportty kadastrlyq pasportqa mindetti túrde aýystyrý qajet degen aqparat jalǵan. Aýystyrý tek qana ekinshi deńgeıli bankterge júgingen jaǵdaıda (qaryz, kepil jáne t. b.) nemese notarıýs arqyly mámile jasaǵanda (olardyń talaby boıynsha) ǵana qajet, — dedi korporatsııanyń baspasóz qyzmetiniń jetekshisi Asqar Atagýlın.

Onyń aıtýynsha, turǵyn úı pasportyn aýystyrý menshik ıesiniń qalaýymen júzege asyrylady. 

— Tikeleı mindet joq. Sondaı-aq zańnamada da mundaı talap qarastyrylmaǵan, — dep tolyqtyrdy ol. 

Eske salaıyq, ótken jyly jyljymaıtyn múliktiń biryńǵaı memlekettik kadastry boıynsha 100 mln ótinim tústi.