Turǵyn úıdegi gaz jarylysy: qaza bolǵandar polıtsııa qyzmetkeriniń áke-sheshesi ekeni belgili boldy
Qaraǵandy oblysynyń Botaqara kentinde turǵyn úıde gaz ballony jarylyp, úıindi astynda eki adam mert boldy, dep habarlaıdy Kazinform tilshici.
Aıta keteıik, búgin túnde Qaraǵandy oblysynyń Botaqara kentinde kópqabatty úıde gaz ballony jarylyp, úıindi astynda mert bolǵan eki adam erli-zaıypty 50 jastaǵy Tólegen jáne 49 jastaǵy Alma Rahmetovter ekeni belgili boldy.
Qaza bolǵandar polıtsııa qyzmetkeriniń áke-sheshesi bolǵan. Oblystyń Polıtsııa departamenti basshylyǵy áriptesine kóńil aıtty.
«Qaraǵandy oblystyq Polıtsııa departamentiniń basshylyǵy, jeke quramy jáne ardagerler keńesi, Buqar Jyraý aýdandyq polıtsııa basqarmasynyń jedel ýákili Dáýren Tólegenuly Tursynbekovke ata-anasy Tólegen Tursynbekuly men Alma Rahmetovanyń mezgilsiz qaıtys bolýyna baılanysty qaıǵysyna ortaqtasyp, kóńil aıtady», - dep jazylǵan jarııalanymda.
Eske salsaq, Botaqara kentinde 30 qańtar kúni saǵat 00:07-de eki qabatty 12 páterli úıdiń ekinshi qabatyndaǵy páterde tsılındrlik gaz jaryldy. Páterdiń ústindegi shatyr, qabyrǵalar men edender, sonyń ishinde birinshi qabattaǵy páter tolyǵymen qırady. Basqa páterler de ishinara zaqymdalǵan.
Úıde turatyn 46 turǵynnyń 35-i jarylys kezinde úılerinde bolǵan. Tótenshe jaǵdaı saldarynan eki adam qaza taýyp, beseýi zardap shekti. Zardap shekkenderdiń arasynda úsh bala bar. Dárigerlerdiń tekserisinen keıin eki bala úıine jiberildi. Bir bala emhanaǵa jetkizildi, sonymen qatar aýrýhanada eki eresek adam bar, olardyń bireýi óte aýyr jaǵdaıda.
Aýdan basshylyǵy zardap shekkenderge qajetti kómek kórsetiletinin aıtty.
Posmotret etý pýblıkatsııý v Instagram
