Turǵyn úı kezegin bir júıege keltirýdi tapsyrǵanmyn, áli aıaqtalǵan joq – Úkimet basshysy

ASTANA. KAZINFORM – Úkimet basshysy Oljas Bektenov elimizde turǵyn úı saıasatyna qatysty birqatar problemany atady.

— Kórip otyrǵanymyzdaı, turǵyn úımen qamtý quraldarynyń barlyǵy birdeı tıimdi ári tolyqqandy qoldanylyp otyrǵan joq. Sondyqtan óńirlerde bólingen qarajatty ýaqtyly ıgerip, usynylǵan quraldardy paıdalaný qajet, — dedi Oljas Bektenov Úkimet úıinde. 

Sondaı-aq Premer-mınıstr baspana kezeginde turǵandardyń qoldanystaǵy tizimin jańartý kerektigin aıtty. 

— Men tizimderdi túgendep, bir júıege keltirýdi tapsyrǵan bolatynmyn. Biraq, bul jumys áli aıaqtalǵan joq. Sondyqtan ony tezdetý kerek. Baspana kezeginde, shynymen muqtaj azamattar ǵana bolý kerek. Sondaı-aq ınjenerlik jelilerdi tartý máselesine de nazar aýdarǵym keledi. Infraqurylymnyń joqtyǵynan obektilerdi iske qosý tym uzaqqa sozylyp ketýde. Mundaı mysal ár óńirde bar, — deıdi ol.

Aıta keteıik, bıyl 10 myńnan astam azamatqa kredıttik turǵyn úı paıdalanýǵa beriledi.