Turǵyn úı saıasatyndaǵy reformalar baspana naryǵyna qalaı áser etedi

Qazaqstannyń rıeltorlary birlesken qaýymdastyǵy prezıdentiniń keńesshisi Nına Lýkıanenko turǵyn úı saıasatyndaǵy reformalar baspana naryǵyna qalaı áser etetinin aıtty, dep habarlaıdy Kazinform.

«Menińshe, esh áseri bolmaıdy. Óıtkeni, baspana kezeginde turǵandardyń sany artyp kele jatyr. Al olarǵa usynylatyn sharshy metr sany suranysty qanaǵattandyrýǵa jetkiliksiz», — dedi Nına Lýkıanenko agenttik tilshisine bergen suhbatynda.

Sonymen qatar ol baspana naryǵyna qandaı faktorlar áser etetinin, keleshekte baǵanyń ósýine qandaı sebepter yqpal etýi múmkin ekenin aıtyp berdi.

«Faktorlar ózgergen joq. Qazaqstan jalpyálemdik ekonomıkadan ajyramaǵan. Al álemdegi ahýalda belgisizdik basymyraq sııaqty. Baǵanyń ósýi ne tómendeýi eldiń ishinde tabylǵan yntaǵa — ınflıatsııaǵa, teńgeniń satyp alý qabiletine, bastapqy jáne qaıtalama naryqty memlekettik qoldaý sharalaryna, jyljymaıtyn múlik satyp alýǵa arnalǵan qoljetimdi mólsheme boıynsha zaımdardy sýbsıdııalaýǵa jáne basqa da jaıttarǵa baılanysty», — dedi sarapshy.