Turǵyn úı aýlasyndaǵy atys: Astana polıtsııasy mán-jaıdy aıtty
ASTANA. KAZINFORM — Astanadaǵy turǵyn úılerdiń biriniń aýlasynda oq atyldy. Oqıǵaǵa qatysty Astana qalasy polıtsııa departamenti túsinikteme berdi, dep habarlaıdy Kazinform tilshisi.
Oqıǵa ornyna patrýldik polıtsııa ekıpajdary jedel jetti.
Aldyn ala málimet boıynsha, turǵyn úıdiń aýlasynda alkogoldik ishimdik ishken bir top jas bolǵan. Olar agressııa kórsetken.
Polıtsııanyń habarlaýynsha, turǵyndardyń biri quqyq buzýshylyqtyń aldyn alý maqsatynda gaz tapanshasynan aspanǵa eskertý retinde oq atqan.
— Oqıǵaǵa qatysýshylardyń barlyǵy sol jerde ustalyp, polıtsııaǵa jetkizildi. Quqyq buzýshylarǵa qatysty zańnamaǵa sáıkes sharalar qabyldanady, — dep habarlady polıtsııa.
Sondaı-aq polıtsııa departamenti turǵyndardyń jaraqat alǵany týraly aqparattyń shyndyqqa sáıkes kelmeıtinin atap ótti.
— Kórineý jalǵan aqparat taratqany úshin jaýapkershilik qarastyrylǵanyn eskertemiz. Azamattardy resmı aqparat kózderine senýge shaqyramyz. Turǵyndardyń jaraqat alǵany týraly aqparat shyndyqqa sáıkes kelmeıdi, — dedi tártip saqshylary.
Quqyq buzýshylarǵa qatysty zańnamaǵa sáıkes sharalar qabyldanady.
Buǵan deıin Astana turǵyny gaz tapanshasyn qoldanyp buzaqylyq jasaǵany úshin bes jylǵa bas bostandyǵynan aıyrylǵanyn habarlaǵan edik.
