Turǵylyqty mekenjaıda qazaq mektebi bolmasa, balany qaıda berý kerek – basqarma basshysynyń jaýaby

ASTANA. KAZINFORM – Astanadaǵy óńirlik kommýnıkatsııalar qyzmetinde ótken baspasóz máslıhatynda qalalyq bilim basqarmasynyń basshysy Qasymhan Senǵazıev qazaq tilde bilim beretin mektepterdiń tapshylyǵy týraly pikir bildirdi.

«Bizde qazir úsh aýysymdy 8 mektep bar. 16 mektep shamadan tys júktememen jumys istep tur. Taza orys tilinde bilim beretin úsh aýysymdy mektep joq. Sondyqtan úsh aýysymdy mektepterdiń bári aralas mektep bolyp esepteledi. Onyń bárinde memlekettik tilde sabaq beretin synyptar bar. Sondyqtan úsh aýysymdy bolsa da, shamadan tys júktememen oqytatyn bolsa da, óziniń mekenjaıyna qarasty mektepke qujat tapsyra berse bolady», - dedi basqarma basshysy.

Sondaı-aq, ol elordadaǵy BINOM-mektepterge qujat ótkizý tásili ózgergenin atap ótti.

«Osyǵan deıin BINOM mektepteri ózderiniń portaly arqyly bala qabyldaıtyn. Biraq bıyldan bastap BINOM mektepterine de qujatty eGov portaly arqyly onlaın tapsyrýǵa bolady», - dedi Qasymhan Senǵazıev.