Túrgen shatqalynda týrıster úshin jańa vızıt-ortalyq ashyldy
Turgensai - Іle-Alataý ulttyq parkiniń kartasyndaǵy ekinshi sapar ortalyǵy.
Zamanaýı standartpen salynǵan ortalyq oblys týrısteri men qonaqtaryna ulttyq parktiń qyzmeti týraly barlyq qajetti aqparatty usynady.
– El basshylyǵy ekotýrızmdi damytýǵa erekshe kóńil bóledi, bul jóninde tıisti tapsyrma beriledi, - dep atap ótti QR vıtse-premeri Eraly Toǵjanov. - Almaty óńiri ekotýrızmdi damytýdyń negizgi baǵyty ekeni anyq. 2021 jyldyń qorytyndysy boıynsha Almaty klasteriniń aýmaǵy shegindegi úsh ulttyq saıabaqqa jalpy kelýshiler 2020 jyldyń ǵana emes, 2019 jylǵa, pandemııaǵa deıingi jyldyń deńgeıinen asyp tústi. 2022 jyldyń 6 aıynyń qorytyndysy da ulttyq parkke kelýshiler artqanyn baıqatty. Munyń bári ekotýrızmniń joǵary damý qarqynyn jáne ekologııalyq týrızm mádenıetiniń halyq arasynda taralýyn kórsetedi.
- Vızıt-ortalyq mádenıeti qazaqstandyqtar men sheteldik qonaqtardyń ózderi úshin uıymdastyrylǵan demalysty qalyptastyrý múmkindigi bolýy úshin ómirimizge tyǵyz enýi tıis, - dedi QazaqGeography RQB basqarma tóraǵasy Orman Nurbaev. – Bul - qarapaıym azamattarǵa jolsaparda qaýipsiz marshrýt, nusqaýlyq, demalýǵa jáne kúsh jınaýǵa arnalǵan oryn týraly maǵlumat alýyna múmkindik beretin ýaqyt talaby. Jáne de ulttyq parkter, osynyń esebinen aýmaqtardy tártipte ustaı alady, sonymen qatar ınfraqurylymdy damytýǵa jáne jaqsartýǵa qol jetkize alady.
Ashylý saltanatyna mádenıet jáne sport vıtse-mınıstri Erjan Erkinbaev, ekologııa, geologııa jáne tabıǵı resýrstar vıtse-mınıstri Álııa Shalabekova, Almaty oblysynyń ákimi Marat Sultanǵazıev jáne jergilikti atqarýshy organ ókilderi qatysty.
Túrgen nesimen tanymal?
Turgensai - kelýshilerdiń ulttyq parkpen tanysý orny jáne Іle-Alataý ulttyq parki Túrgen shatqalynyń qol tımegen tabıǵatynda saıahattaýdyń bastapqy núktesi.
Ortalyq Almatydan 80 shaqyrym jerde, tabıǵat eskertkishterine baı Túrgen shatqalynda ornalasqan.
Osy ortalyqtan bastap Aıýly sarqyramasyna deıin júre alasyz, onyń bıiktigi - 30 m.
Uzyndyǵy 1,3 km bolatyn bul jol - áleýmettik jáne barlyq sanattaǵy adamdar úshin qoljetimdi týrıstik baǵyt sanalady.
Budan basqa, Túrgen shatqaly avtojolynyń boıynda paıdaly mıneraldarǵa baı sýyq sýy bar bes bulaq, sondaı-aq Turgensai vızıt-ortalyǵynyń astynan jer qoınaýynan soǵatyn ystyq radondy bulaqtar bar.
Sondaı-aq, osy mańda týrısterge Qaıraqty sarqyramasy, Shyntúrgen múk shyrsha ormandary, Sıvers almasynyń tabıǵı rezervaty jáne basqa da tabıǵı obektiler tıip tur.
Túrgen shatqaly Saq qorǵandarymen de tanymal, onyń birinen Altyn adam tabylǵan.
Turgensai kesheniniń ózine aqparattyq stend, dáris zaly, kádesyı dúkeni, tamaqtaný orny, qoǵamdyq dárethana, oıyn alańy men terrassalar kiredi.
Ortalyq múmkindigi shekteýli adamdar men balaly analarǵa qolaıly bolýy úshin pandýstarmen jabdyqtalǵan.
Turgensai vızıt-ortalyǵy týrıster úshin ǵana emes, mektep oqýshylary men jastar úshin de tartymdy oryn bolady.
Aıýsaı, ulttyq park jáne eriktiler munda balalarmen, jastarmen sabaqtar, al vızıt-ortalyq qyzmetkerleri Túrgen shatqalynyń kórkem jerlerine ekskýrsııa ótkizedi.
