Túrgen — Asy jolynyń eki ýchaskesin sý shaıyp ketti: qazir jaǵdaı qalaı
QONAEV. KAZINFORM — Almaty oblysynda sý deńgeıiniń kóterilýine baılanysty «Túrgen — Asy» avtojolynyń eki ýchaskesin sý shaıyp ketti.
Eńbekshiqazaq aýdany ákimdiginiń málimetinshe, 3 shildegi jaǵdaı boıynsha «Túrgen — Asy» avtojolynyń ýchaskesin qalpyna keltirý úshin barlyq tehnıka Batan shatqalyna jumyldyrylǵan.
Birinshi ýchaskede joldyń shamamen 100 metrin sý shaıǵan. Onda ballast tógý arqyly qozǵalys qalpyna keltirilgen.
Ekinshi ýchaskede shamamen 40 metr joldy sý shaıǵan. Qazirgi ýaqytta munda qalpyna keltirý jumystary júrgizilip jatyr. Atap aıtqanda: avtojoldy butalardan, aǵashtar men tastardan tazartý, sondaı-aq zaqymdalǵan ýchaskege topyraq tógý jumystary qolǵa alynǵan.
Atalǵan jumystarǵa jergilikti atqarýshy organdardyń, oblystyq TJD-nyń, «Qazseldenqorǵaý» mekemesiniń, «Іle-Alataý» MUTP Túrgen fılıalynyń mamandary men tehnıkasy jumyldyrylǵan.
Eske salaıyq, buǵan deıin Eńbekshiqazaq aýdanynda «Túrgen — Asy» avtojolyn jáne demalys aımaǵyn sý basqanyn jazǵanbyz.
Al Jańaturmys aýylyndaǵy «Karer Aksaı» JShS aýmaǵynda Aqsaı ózeni arnasy tabanynyń shaıylýy saldarynan karerdiń soltústik-batys bóliginde topyraq opyryldy.
Keıin Almaty oblysynyń Qarasaı aýdanynda jergilikti aýqymdaǵy tótenshe jaǵdaı jarııalandy.
