Turǵanbaı Mahanov: Ekpe saldyrý - indetti jeńýdiń jalǵyz joly
QYZYLORDA. QazAqparat - Qyzylordalyq densaýlyq salasynyń ardageri Turǵanbaı Mahanov álemdi jaılaǵan indetti jeńýdiń jalǵyz joly - vaktsına ekenin aıtady, dep habarlaıdy QazAqparat tilshisi.
Ol turǵyndarǵa ekpe saldyrýdan esh qorqýdyń qajeti joq dep sanaıdy.
«Bir jyldan asty indet kúresip kele jatyrmyz. Bul koronavırýs ınfektsııasy basqa vırýstarǵa qaraǵanda óte qaýipti. Alaıda indetpen qalaı kúresemiz? Bunyń ǵylymı joldary bar ma? Árıne bar. Osy ýaqytqa deıin taralǵan vırýstyń barlyǵyn ǵylymı jolmen toqtatqan. Ekpe ujymdyq ımýnıtetti qalyptastyrady. Ekpeni jasatýymyz kerek. Budan qorqatyn qaýip joq. Kez-kelgen vaktsınany 99 adam jaqsy qabyldap, bireýine keri áser etýi múmkin. Biraq sol úshin jappaı ekpeden bas tartý durys emes. Іndetpen birge kúreseıik. Saqtyq sharalaryn saqtap, óz densaýlyǵymyzdy kúteıik», - dedi Turǵanbaı Mahanov.
