Týrfırmalar shetelge shyǵatyn qazaqstandyqtarǵa týrkod berýge mindetti
ASTANA. QazAqparat - Qazaqstandaǵy týrıstik agenttikter charterli nemese udaıy ushatyn reıs ekenine qaramastan, shetelge ushamyn degen halyqqa týrkod berýge mindetti, dep habarlaıdy QazAqparat tilshisi.
«Týrıstik fırmanyń qyzmetine júgingen týrıstke mindetti túrde týrkod berilýi kerek. ıAǵnı, ol charterlik reıspen ushty ma, udaıy ushatyn reıske otyrdy ma, oǵan qaramastan, oǵan týrkod berilýi kerek»,-dep habarlady telefon arqyly «Týrıstik Qamqor» qorynyń tóraǵasy Inna Reı.
Bul týrıstik fırma sheteldik týrızm salasyndaǵy kepildendirilgen quqyq júıesiniń ákimshisi.
Eger de, qandaı da bir sebepterge baılanysty, týrıstik fırma týrkod berýden bas tartsa, I.Reı osy qorǵa habarlasyp, operatorǵa máseleniń mán jaıyn jetkizýdi tapsyrdy.
Aıta keteıik, 2016 jyldyń 7 qarashasynan bastap iske qosylǵan júıe qazaqstandyqtar Shardja áýejaıynan eshqaıda shyǵa almaı qalǵan kezde, ıaǵnı, 31 jeltoqsan kúni alǵash ret qıyndyqqa tap boldy.
«Shardja áýejaıyna qazaqstandyqtardy alyp barǵan áýekompanııasy aýa raıyna baılanysty, reısti alyp tastady. «Týrıstik Qamqor» qory mindetti moınyna alyp, tyǵyryqqa tirelgen azamattardy alyp keldi»,-dep túsindirdi T.Reı.
Qazir bul qorǵa 55 kompanııa qosylǵan. Irına Reı týrıstik kompanııalardyń qorǵa qandaı qarajat salǵanyn jarııa etken joq.
