Týretskıı horyna «halyq karaokesi» ıdeıasyn N. Nazarbaev usynǵan (FOTO)
QARAǴANDY. QazAqparat - N. Nazarbaev Týretskıı horyna «halyq karaokesi» ıdeıasyn usynǵan.
QR Prezıdenti N.Nazarbaev Týretskıı horyna Temirtaýda ótken merekelerdiń birinde «halyq karaokesi» ıdeıasyn usynǵan. Bul týraly Reseıdiń halyq ártisi, ataqty hor ujymnyń basshysy Mıhaıl Týretskıı.
«Halyq karaokesi ıdeıasy qalaı týdy? Sizderdiń prezıdentterińizben án aıtý múmkindigine birneshe ret ıe boldyq. Nursultan Ábishuly án salǵandy jaqsy kóredi jáne tamasha aıtady. Mysaly, Temirtaýdaǵy merekelerdiń birinde biz Nazarbaevpen «Zarechnyı kóshesindegi kóktem» kınofılmindegi ándi oryndadyq. Qazaqstanda bul ándi jaqsy kóretinin uqtyq. Nursultan Ábishuly sol kezde, bul ánderdi halyqpen birge oryndaý qajettigin aıtqan bolatyn», - dedi M. Týretskıı Qaraǵandyda ótken baspasóz máslıhatynda.
Týretskıı hory 29 sáýirde tańerteń shahterler qalasyna keldi. Qaraǵandylyqtar elde birinshi bop «Án merekesi» ujymynyń jobasyna qatysty. Keshke ortalyq saıabaq jaǵalaýynda tegin kontsert uıymdastyrylady.
«Bizde «halyq karaokesi» degen óner bar. Bul úlken aýdıtorııa jınalǵan kezde bolady. Alǵash ret mundaı merekeni «Poklonnaıa gora» jartasynda ótkizdik. Sonda halyqpen án aıtý bizdiń taqyrybymyz ekenin uqtyq», - dep atap ótti M. Týretskıı. - Reseıde mundaı án merekesi onshaqty ret úlken jáne shaǵyn qalalardy ótkizildi. Mine endi Qazaqstanǵa keldik. Bizdiń bul týrymyz Qazaqstan halyqtary birligi kúnine týra kelip otyr».
«Án merekesi» Qazaqstannyń bes qalasynda ótkizý josparlanǵan: 29 sáýirde - Qaraǵandyda, 30 sáýirde - Óskemende, 1 mamyrda - Almatyda, 2 mamyrda - Shymkentte, 6 shildede - Astanada.
