Týretskıı hory qazaqsha ánderdi shyrqady
ALMATY. QazAqparat - Qazaqstanǵa gastrolmen kelgen tanymal reseılik ujym Almatyda qazaqsha ánderdi shyrqady, dep habarlaıdy QazAqparat.
«Biz Qazaqstanǵa kelgendi jaqsy kóremiz. Bul joly úsh qazaq ánin daıyndadyq. Kópshiliktiń kóńilinen shyqty. Shynyn aıtqanda, repertýarymyzda osy ǵana emes taǵy bir álemge tanylǵan qazaq áni bar», - dedi óner ujymynyń jetekshisi Mıhaıl Týretskıı.
Almatyda hor Reseıge tanymal bolǵan «Halyqtyq karaoke» jobasy aıasynda óner kórsetti. Jobanyń basty ıdeıasy - ánshiler qala alańynda kórermendermen birge túrli kezeńdegi belgili ánderdi shyrqaıdy. Týretskıı hory Qazaqstanda kórermendermen birge ekinshi márte án salýda.
Bıyl hor ujymy elimizdiń 10 qalasyna barady. Almaty óner ujymynyń týrnesindegi úshinshi qala, buǵan deıin Týretskıı hory Astana men Shymkent turǵyndarymen birge án saldy.
