Týreano Djonson: «Golovkındi tek men ǵana jeńemin»
ASTANA. QazAqparat - Ótken jylǵy sáýirde Týreano Djonson belgili amerıkalyq nokaýtshy Kertıs Stıvenstendi jeńip, sensatsııa jasaýǵa shaq qalǵanda, tóreshiniń aralasýymen daýly jaǵdaıda saıystan shyǵyp qalǵan.
Sodan beri Djonson úsh ret jeńiske jetti. Aınalym jınaǵan Roc Nation kompanııasymen kelisimshartqa otyrdy. Pıter Kýıllındi sý júrek dep atap, tipti Gennadıı Golovkınge áli jetetin tek ózi ǵana ekenin jarııalady, dep habarlady sports.kz.
«Men sizderge «balapan» Pıter emespin. Kópshilik ony Pıter Kýıllın retinde tanıtyn shyǵar, alaıda men ony Pıter «balapan» dep bilemin. Onyń Matveı Korobov sııaqty qarsylaspen kezdespeý úshin tıtýldan bas tartqany uıat boldy. Chempıondar myqtylarmen ǵana kúresýi qajet. Ókinishtisi, muny bári artta qaldy, degenmen men ony keri qaıtarǵym keledi», - dep málimededi Boxingscene bergen suhbatynda Djonson. «Al Gennadıı Golovkındi syılaımyn. Ol eshkimge ese bermeýdi kózdeıdi, tek jeńip júrgen, jeńilmegen myqty sportshy, dep málimdedi bagamdyq orta salmaqtaǵy boksshy. Menen basqa eshkim de Golovkınge qarsy shyǵyp, jeńiske jete almaıdy. Árıne, onyń da sensatsııa jasaýǵa múmkindigi bar shyǵar, alaıda meni jeńedi dep oılamaımyn», - dedi ol.
