Týrbıznesti qoldaý úshin oqýshylardy qoryqtarǵa ekskýrsııa uıymdastyrý usynyldy

NUR-SULTAN. QazAqparat – Balalar men jastar týrızmi respýblıkalyq qaýymdastyǵynyń tóraǵasy Qaırat Sultanov týrbıznesti qoldaý úshin oqýshylardy qoryqtar aýmaǵyna ekskýrsııa uıymdastyrýdy usyndy, dep habarlaıdy QazAqparat tilshisi.

«Avtobýstardyń kóbin lızıngige aldy da, naýryz aıynan beri toqyrap, toqtap qaldy. Eldegi ekskýrsııalarǵa, ekskýrsııamen aınalysatyn kompanııalardyń jaǵdaılaryna bir nazar aýdaryp qoıyńyzdar», - dedi Qaırat Sultanov týrıstik sala máseleleri boıynsha ótkizilgen onlaın baspasóz máslıhatynda.

Qaýymdastyq basshysy karantın rejımi jeńildetilgennen keıin bul máseleni retteýge bolatynyn jetkizdi.

«Qanekeı, 17 tamyzdan keıin-aq máseleni retteýge tyrysaıyqshy. Bir-eki, úsh kúndik bolsyn balalarǵa arnalǵan ekskýrsııany uıymdastyraıyq. Lagerlerdi uıymdastyrý qıyn bolsa ekskýrsııalyq jumysqa nazar aýdaralyq. Balalar eshqaıda shyqqan joq. Oqý jyly bastalar aldynda balalardy bir demaldyrý kerek», - deıdi Qaırat Sultanov.